ئاو لەسەر ئەم هەسارەیە دەدۆزرێتەوە

19/03/2016 - 11:41 بڵاوکراوەتەوە لە هەواڵەكان

ئاژانسی بۆشایی ئاسمانی ئەمریكی (ناسا) رایگەیاندووە، رەنگە لەسەر هەسارەی پلۆتۆو لەژێر بەشی بەستووی سەر هەسارەكە ئاو هەبێت.

بەپێی راپۆرتە هەواڵێكی گۆڤاری (ساینس) كە گۆڤارێكی زانستی ئەمریكییەو تێیدا هاتووە، بەپێی توێژینەوەیەك كە لەسەر هەسارە كورتەكە كە مەبەستی هەسارەی پلۆتۆیە رەنگە ئاو لەژێر ناوچەی بەستووی هەسارەكە بوونی هەبێت.
لەراپۆرتەكەدا ئاماژە بەناوەڕۆكی پێنج توێژینەوەی بەدوای یەك دراوە، یەكێكیش لەوان لەكاتی هەڵدانی مەكوكی ئاسمانی (نیو هورایزنز) بووە كە لەمانگی تەمموزی رابردوو رەوانەكرابوو ئەوەش دوای ئەوەی ماوەی (4.8) ملیار كیلۆمەتری بڕی بوو.
هەروەها بەپێی زانیارییەكانی نێو گۆڤارە ئەمریكییەكە هەسارەی پلۆتۆو مانگی (شارۆن) چاڵاكی جیۆلۆجیان تێدا بەدی كراوە.
بەپێی سەرچاوە مێژووییەكانیش هەسارەی پلۆتۆ بۆیەكەم جار لەساڵی (1930) دۆزراوەتەوەو خراوەتە سەر كۆمەڵەی خۆرو بەهەسارە بەستووەكە ناسراوە.