كۆنفرانسە ناوخۆییەكانی مەڵبەندی سلێمانی یەكگرتوو لەگەڵ لق و ناوچەكان كۆتایی هات

06/04/2016 - 10:06 بڵاوکراوەتەوە لە هەواڵەكان

كوردیو ـ سلێمانی ـ یانی یادگار
بۆ ڕۆژی چوارەم كۆنفرانسەكانی مەڵبەندی سلێمانی یەكگرتوی ئیسلامی كوردستان لەگەڵ لق و ناوچە جیاوازەكانی مەڵبەند  بەرێوەچوو كە تێدا بەوردی تاوتوێی ڕەشنوسی پەیڕەوو پڕۆگرامی كۆنگرەی حەوتەمی یەكگرتوی ئیسلامی كوردستان كرا.


دارا سێكانیانی یاریدەدەری بەرپرسی مەڵبەندی سلێمانی یەكگرتووی ئیسلامی كوردستان بە كوردیوی ڕاگەیاند:" لەماوەی چوار ڕۆژی ڕابردوو كۆنفرانسە ناوخۆییەكان لەگەڵ لق و ناوچە جیاوازەكانی مەڵبەند بەرێوەچوو كە تێدا بەوردی قسە لەسەر ڕەشنوسی پەیڕەو پڕۆگرامی كۆنگرەی حەوتەم كرا و سەرنج و تێبینی و ڕەخنەكان وەرگیرا".


سەبارەت بە هەڵبژاردنی ئەندامانی كۆنگرە دارا سێكانیانی وتی:" بڕیارە دوای كۆبونەوەی ئەنجومەنی سەركردایەتی یەكگرتوو ڕۆژی بەستنی كۆنگرە دیاری بكرێت و دوای ئەوە   ئەندامانی كۆنگرە هەڵدەبژێردرێت".


كۆنگرەی حەوتەمی یەكگرتووی ئیسلامی كوردستان بڕیارە لە مانگی ئایاری ئەمساڵ ئەنجام بدرێت.


یەكگرتوی ئیسلامی كوردستان ئێستا یەكێكە لە پێنج حزبە سەرەكیەكەی پێكهنەری حكومەت و خاوەنی سێ وەزیرو دەكورسی پەڕلەمانیە لەگەڵ چوار كورسی لە ئەنجومەنی نوێنەرانی عێراق.

سەلام بێستانسوری