هەڵەبجە... ئەو تاوانانەی لەسنورەكەدا ڕوو دەدەن حاڵەتن و نەبونەت دیاردە

06/04/2016 - 13:21 بڵاوکراوەتەوە لە هەواڵەكان

كوردیو ـ هەڵەبجە ـ حەیدەر حەمە صاڵح
   دروست بونی قەیرانەكانی سیاسی و  دارایی  هۆكاری سەرەكین بۆ زۆربونی دیاردەكان و ئەنجامدانی تاوانەكان لە میانی دیدارێكی دا بۆ كوردیو وتەبێژی بەڕێوەبەری پۆلیسی هەڵەبجە ڕایگەیاند: ئەو تاوانانەی  لەسنورەكەدا  روو دەدەن حاڵەتن و نەبونەت دیاردە .


رائید بەرزان عوسمان وتەبێژی بەڕێوەبەرایەتی پۆلیسی پارێزگای هەڵەبجە لەدیدارێكدا لەگەڵ كوردیو ڕایگەیاند: ئەو هۆكارانەی كە دەبنە هۆی دروست بونی تاوان بەپێی جوگرافیاو كات و شوێن دەگۆڕێت، تاوانەكان زۆرن و بەپێی زۆری تاوانەكان  جۆری تاوانەكان دەگۆڕێت، رێژەی تاوان لەسنوری پارێزگای هەڵەبجەدا لەچاو پارێزگاكانی تردا زۆر لاوازە تا پارساڵ تەنها یەك حاڵەتی كوشتنمان هەبوە بەڵام تا ئەمڕۆ لەئەمساڵدا سێ حاڵەت تۆماركراوە.


هەروەها ڕاشیگەیاند: هۆكاری ئەم حاڵەتانەش دەگەڕێتەوە بۆ بارو دوخ و ئەو قەیرانە دارایی و ناسەقامگیریەی كە بەسەر عێراق و هەرێمەكەماندا هاتووە و  دروست بووە، لەم سنورەدا چەند تاوانێك زۆرن وەك دیاردەی شەڕكردن و دزیكردن و ئامێری پەیوەندی كردن و دەست بڕین و خیانەت لە ئەمانەت كردن و هەڕەشەكردن، بەلام تا ئێستا ئەم ئەمانە تەنها حاڵەتن و نەبونەتە دیاردە و كۆنترۆڵ كراون .


   وتەبێژی بەڕێوەبەرایەتی پۆلیسی پارێزگا هەڵەبجە ئاماژەی بە هۆكارەكانی ڕێكخستنی هۆشیاری كرد و وتی:" پابەند بوون بەدینەوە بەوپێیەی ئێمە كۆمەڵگەیەكی موسوڵمانین ،قوتابخانە تا دەگاتە زانكۆ و لەشارەكەشدا ڕێكخراوەكانی كۆمەڵگەی مەدەنی ڕۆڵێكی باشیان هەیەلە هۆشیاركردنەوەدا وەك سازكردنی ۆرك شۆپ و كۆڕ و سیمینار . 


سەبارەت بە بونی ئاوارەكان تاچەند هۆكارن بۆ دروست بونی تاوان لەشارەكەدا بەرزان عوسمان ئاماژەی بۆ ئەوە كرد: لەسنورەكەدا نزیكەی  8000   ئاوارە هەیە بەشی خۆیان كێشەو گیرو گرفتیان هەیە بەڵام نەبۆتە حاڵەت بەتایبەتی هەرچەندە لەڕوی دەرونیەوە لە لەحاڵەتێكی خراپدان، دروست بونی قەیرانی دارایی هۆكاریكە بۆ كەم بونەوەی داهات چونكە لەهەرشوێنیك قەیران هەبوو داهاتی تاكە كەس كەم دەبێتەوە بۆیە هەندێك بۆ بەرزكردنەوەی ئاستی داهاتیان پەنا بۆ ڕیگەی نادروست دەبەن وەك دزیكردن لەسنورەكەی ئێمەش دزیكردن هەیەو بەردەوام لەهەوڵی كۆنترۆڵ كردنیداین.
ئاماژەی بۆ ئەوەشكرد : بەهۆی ئەو پێشكەوتنەی كە هاتۆتە پێشەوە لەبواری تەكنۆلۆژیادا بەهەموشێوەكانیەوە بەتایبەت فەیسبوك و دانانی فەیسبوكی ساختەو ناوزڕاندن و ئاشكرا كردنی نهێنی كەسایەتی و خانەوادە كە هەوڵ و ماندوو بونێكی زۆری پێویستەتا ئەو كەسانە بدۆزیتەوە،  دەتوانم بڵێم فەیسبووك بۆتە كێشە بۆ ئێمە و تەوای خەڵك .  


ووتەبێژەی پۆلیسی هەڵەبجە باسی لە چەكی بێ مۆڵەت كرد و وتی:" لەسنورەكەماندا دیاردەی هەڵگرتنی چەكی بێ مۆڵەت بەئاشكرا لە نێو بازار و شوێنە گشتیەكانادا نیە بەڵام بەداخەوە لەكاتی ئەنجامدانی خۆشیەكاندا بەكاردەهێنرێت كە ئەوەش دیاردەیەكی نادروستەو لەهەوڵی ئەوەداین لە كاتی ئەو بۆنانەدا تیمەكانمان لە ئامادە باشیدا بن ،لەسەر ئەو بابەتە  پارساڵ  71  دۆسیەمان هەبوە دراونەتە دادگا. 


سەبارەت بەپرسی ئەنجامدەری تاوانەكان لەڕوی ئاستی خوێندەواریەوە   ئەوەی خستەڕوو : بەداخەوە ئەو كەسانەی كە تاوانەكان ئەنجام دەدەن زۆربەیان ئاستی هۆشیاری و خوێندنیان لاوازە و هیچ زانیاریەكیان لە سەر یاساكان نییە، هەرچەندە هەندێك جاریش خوێنەدەواریش بوونیان هەیە، زۆرینەی ئەو كەسانەش كە ئەنجام ئەدرێت تەمەنیان لە نێوان (20ـ30)ساڵیدان كە پێان دەوترێت گەنج بەڵام ئەوانەی كەلە سەرو ی30 ساڵەوەن حاڵەتەكانی پێكدادانی ئۆتۆمبیلەوەیە كە كەسێكی تێدا دەمرێت ،هەرچەندە مێرد منداڵیش تاوان ئەنجام ئەدات و بەپێی یاسای نەوجەوانان مامەڵەیان لەگەڵ دەكرێت .


لەكۆتایی دیدارەكەیدا وتەبێژی بەڕێوبەرایەتی پۆلیسی هەڵەبجە ڕائید بەرزان سەبارەت بەتوندوتیژیەكان بەرامبەر بە ژنان  ووتی:" ئەوەی پەیوەندی بە توندوتیژیەوە هەیە بەرامبەر بەئافرەت لە سنوری شارەكەماندا لە ساڵی  2006 وە هیچ حاڵەتێكی كوشتنی ژن لە ناوچەكەدا تۆمار نەكراوە و هیچ ژنێكی هەڵەبجە بەدەستی پێاوێكی هەڵەبجەیی نەكوژراوەو ئێمە باوەڕمان بە مافی ژنان هەیە و هەڵەبجە بەو پێیەی شارێكی ڕۆشنبیرەو كلتورێكی دەوڵەمەندی هەیە باوەڕمان بە  ئازادی هەیە ژن ڕۆڵێكی كاریگەری هەیە لەكایە جیاوازەكاندا".

سەلام بێستانسوری