بۆ ئەوەی مەكینەی ئۆتۆمبیلەكەت مت نەبێت ئه‌مانه‌ بكه‌

05/08/2017 - 16:46 بڵاوکراوەتەوە لە هەواڵ/ئۆتۆمبێل

 

زۆربەی ئۆتۆمبیلە تازەكانی ئەم سەردەمە پاش ماوەیەكی كەم تووشی مت بوون و نەمانی كێش و لاوازبوونی مەكینە دەبێتەوە، هۆكاری ئەوەش، پێش ئەوەی پەیوەندی بە كۆمپانیای دروستكەرو جۆری ئۆتۆمبیلەكەوە هەبێت، پەیوەندی بەخۆمانەوە هەیە كە وەك پێویست گرنگی بەخزمەتكردنی ئۆتۆمبیلەكانمان نادەین.

بۆیە پێویستە زوو زوو گرنگی بەئۆتۆمبیلەكان بدەین و ئەم پشكنینانەی بۆ بكەین:

1- بەهیچ شێوەیەك گۆڕینی رۆن پشتگوێ نەخەین. پێویستە باشترین رۆنی تێبكەین و پابەندی رێنماییەكانی كۆمپانیای دروستكەریش بین لەوبارەیەوە.

2- زوو زوو پشكنین بۆ فلتەری هەوای سەر مەكینەكە بكەین، زوو زوو پاكی بكەینەوەو ئەگەر خراپیش بوو خێرا بیگۆڕین.

3- ناو بەناو پشكنین بۆ فلتەری بەنزین (مەسفی) بكەین و لانی كەم دەبێت ساڵی دووجار بیگۆڕین و پشكنینیش بۆ فیول پەمپەكە بكەین.

4- ناوبەناو دەرچەی هەوای سەر مەكینەكە، لای بەخاخ و كابلیتەرەوە بەجوانی پاك بكەینەوە، ئەگەر پاككەرەوەی گونجاویش بەكاربهێنین باشترە.

5- زوو زوو پشكنین بۆ گێڕ بكەین، رۆن و هایدرۆلیك بپشكنین و فلتەری گێڕیش بگۆڕین.

م-ع-كانی

س- كورد ئۆتۆ