لەكاتی تێكردنی بەنزین، ئەم هەڵانە مەكەن

09/01/2019 - 09:51 بڵاوکراوەتەوە لە هەواڵ/ئۆتۆمبێل

 

 

یەكێك لەو هەڵانەی شوفێران لەكاتی تێكردنی بەنزینی ئۆتۆمبێلەكانیان ئەنجامیدەدەن، پڕكردنی تانكییەكەیە بەتەواوەتی تەنانەت پاش هەستانەوەی دەسكی بەنزینەكە.

بەنزین شلەیەكی تایبەتییەو زوو دەبێت بەهەڵم، بەتایبەتی لەكەشی گەرمدا، كۆمپانیاكانی ئۆتۆمبێلیش سیستەمێكی تایبەتیان لەتانكی بەنزینەكانی ئۆتۆمبێلەكانی خۆیان جێگیركردووە، كە ئاگادارت دەكاتەوە لەوەی پێویستە بەشێك لەتانكییەكە بۆ هەڵمی بەنزینەكە بهێڵیتەوە.

ئەو سیستەمە بەناوی (ئی ڤی ئەی پی) ناودەبرێت، كۆمپانیاكان بە هەژماركردنی قەبارەی تەنكی بەنزینی ئۆتۆمبێلەكان بەشێك لەتەنكییەكە دەهێڵنەوە، تا ئەو بەنزینەی بووە بەهەڵم بەزایە نەچێت ‌و سودی لێ ببینرێت.

بەپێچەوانەوە تێكردنی بەنزین پاش چەند جارێك لەهەستانەوەی دەسكی بەنزینەكە، زیان بەسیستەمەكە دەگەیەنێت ‌و بۆ ماوەیەكیش (تا ئەو كاتەی بەشی سیستەمەكە لەتانكییەكە خاڵی دەبێتەوە) مەترسییەكانی تەقینی تانكییەكەو سوتانی ئۆتۆمبێلەكە ئەگەرێكی كراوەیە.

رادیۆی ترافیك

 

 

ئـ . كـ