لەپێناو سەلامەتی شۆفێرو پیادەكان، ڕێنمایی نوێ ڕادەگەیەندرێت

16/01/2019 - 10:07 بڵاوکراوەتەوە لە هەواڵ/ئۆتۆمبێل

 



بێگومان شۆفێریكردن هونەرەو مرۆڤ بۆئەوەی ببێت بەشۆفێرێكی شارەزاو سەلامەت، پێویستی بەردەوامی بەكۆكردنەوەی زانیاریی‌و ئەزمون هەیە، ئەوەش چەند فەرمانێكی سادەن لەسەر ڕاسپاردەی شارەزایان بواری سەلامەتی ئۆتۆمبێل، كە دەكرێت سەلامەتی زیاترت بۆ دەستەبەر بكەن.

 


1- كوشنەكەت نزم بكەرەوە: بەپێی لێكۆڵینەوەی نوێیەكان، تا كوشنی شۆفێر بەرزتر بێت، كەمتر هەست بەخێرایی دەكات‌و بەوەش ئەگەر ڕوودانی مەترسی زیاترە، شۆفێری ئۆتۆمبێلە بەرزەكان خێراتر لێدەخوڕن لەوەی هەستی پێدەكەن، بۆیە تا كوشنەكەت نزمتر بێت باشترە.

 

2- بەڕۆژ لایتەكانت هەڵبكە: لێكۆڵینەوەیەكی كەنەدی گەیشتوە بەو ئەنجامەی، ئیشپێكردنی لایتەكان لەڕۆژدا بەڕێژەی (11%) ڕووداوی هاتوچۆو بەركەوتنی پیادە كەمدەكاتەوە، كێشە ئەوەیە لەهەندێك وڵات ئیشپێكردنی لایت لەڕۆژدا قەدەغەیە، خۆشبەختانە لای خۆمان ئەو یاسایە نییە.

 

3- ڕێگایەك بدۆزەرەوە بۆ بەهێمنی هێشتنەوەی خۆت: هەر مرۆڤێك ڕێگایەكی تایبەتی هەیە بۆ بەهێمنی هێشتنەوەی خۆی، بۆ نمونە: بنێشت جوین، یان گۆرانی وتن لەبەر خۆتەوە، یان هەر كارێكی تر خۆت پێی بزانیت، هەركات هەستتكرد تەركیزت بەرەو كەمبونەوە دەچێت، باشترە یەكێك لەو كارانە بكەیت.

 

4- هەركات هەستتكرد خەوت دێت شۆفێری مەكە: بەپێی لێكۆڵینەوە نوێیەكان، بەشێوەیەكی گشتی (11% تا 18%)ی كۆی ڕووداوەكانی هاتوچۆ بەهۆی خەوتنی شۆفێران یان خەو هاتنیانەوەیە، زۆرینەی ئەوانەشی توشی ئەو كێشەیە دەبن تەمەنی (21 تا 35) ساڵن، بۆیە هەركات هەستتكرد خەوت دێت، دەست لەشۆفێری هەڵبگرەو كەمێك پشوو بدە.

 

 

 

 

سەرچاوە/ هاتوچۆی سلێمانی
س ب