لەم جێگەیانە مۆبایل دامەنێن

02/03/2019 - 10:03 بڵاوکراوەتەوە لە هەواڵ/ئۆتۆمبێل

 

 

رەنگە لانیكەم رۆژانە دوو هەزار جار دەست لەمۆبایل و شاشەكەیەوە بدەین، چونكە مۆبایل بۆتە بەشێك لەژیانمان، لەدوای بەكارهێنانی هەندێ شوێن هەیە كەنابێ مۆبایلی تێدا دابنێیت ئەوەش بەم جۆرە دەستنیشان كراوە:

1. گیرفانی دواوەی پانتۆڵ كەزۆر ژن و پیاو مۆبایلی تێ دەكەن ئەمەش ئەگەری شكان یان ئازاری گەدەو قاچ دروست دەكات. 

2. گیرفانی پێشەوە ئەمەش توێژینەوەكان هۆشداری بەپیاوان دەدەن و دەركەوتووە تووشی لاوازی سپێرمیان دەكات. 

3. هەندێ جانتای بچووك هەیە كە دەكرێتە مل، واتە جانتای درێژ گرفت دروست دەكات و لاوازی ئێسك دروست دەكات.

4. زۆر نزیك نەبێ لەپێستەوەو بەركەوتنی راستەوخۆی نەبێ تا تووشی گرفتی پێست نەبیت، كاتێ وەڵامی تەلەفۆنیش دەدەیتەوە باشترە (2) سەنتیمەتر دووربێت لەپێستتەوە.

5. شەوانە بارگاوی مەكەرەوە تا زیان بەمۆبایلەكە نەگەیەنێت و پاترییەكەی تێك نەدات.

6. لەشوێنی زۆر ساردا بەكاری مەهێنەو جێگەی مەهێڵە تا تووشی گرفت نەبێت.

7. لەشوێنی زۆر گەرمیشدا بەكاری مەهێنە كەپلەی گەرمیەكەی هێندە زۆر بێت كەبەرگەی نەگرێت و پاتریەكەی نەتەقێنێت.

8. بۆ دایكان مۆبایل مەخەنە عارەبانەی منداڵەوە تا تووشی گرفتی تایبەتی بەهەڵسوكەوت و هەر گرفتێكی تر نەبێت لەوانەش كەم چاڵاكی و زۆر چاڵاكی.

9. مۆبایل مەخەرە ژێر جێگەوە تا تووشی گرفتی كەم خەوی نەبیت بەوپێیەی ئەو تیشكەی لەمۆبایلەوە دەردەچێ كاریگەری دەبێ لەسەر هۆرمۆنی خەوتن سەرباری تیشكە كارۆموگناتیسییەكان كاریگەری دەبێ و توشی سەرئێشەو گێژبونت دەكات.