ئەوەی لەبارەی پێكهاتەی جگەرەوە نەتزانیوە

10/05/2016 - 07:23 بڵاوکراوەتەوە لە هەواڵ/هەمەڕەنگ

 

ئەو مادە كیمیاویانەی لە جگەرەو دوكەڵی تووتندا هەن وا دەكەن جگەرە كوشندە بێت. دووكەڵی جگەرە نزیكەی چوار هەزار پێكهاتەی كیمیایی لەخۆ دەگرێت كە پەنجا دانەیان ناسراون بەوەی توانای دروستكردنی خانە شێرپەنجەییەكانیان هەیە لە مرۆڤدا.

لێرەدا نموونەی هەندێ لەو مادە كیمیایی و ژەهرانە باس دەكەین كە لە كاتی سووتاندن و كێشانی جگەرەدا دروست دەبن و زیانی راستەوخۆ بە تەندروستی دەگەیەنن:
1. بەنزین : یەكێكە لە پێكهاتەكانی نەوتی خاو و یەكێكە لە پێكهاتەی زۆربەی سووتەمەنیەكان، توانای دروستكردنی شێرپەنجەی خوێنی هەیە.
2. فۆرمالدیهاید : شلەیەكی بێ رەنگەو زۆر ژەهراویە، بەكاردێت بۆ هەڵگرتنی جەستە مردووەكان تا بۆگەن نەكەن، توانای دروستكردنی شێرپەنجەو نەخۆشییەكانی كۆئەندامی هەناسە و هەرس و پێستی هەیە.
3. ئەمۆنیا : یەكێكە لە پێكهاتەكانی ئەو پاكژكەرەوانەی بۆ خاوێنكردنەوەی گەرماوەكان و (WC) بەكاردێت، لە كاتی سووتانی جگەرەدا دروست دەبێت و دەبێتە هۆی گۆڕینی مادەی نیكۆتین بۆ شێوەی گاز.
4. ئەسیتۆن : مادەیەكی كیتۆنی توێنەرە توانای هەڵچوونی هەیە، بەكاردێت بۆ لابردنی بۆیەی نینۆك.
5. قەتران : بەشێوەی دەنكۆڵە لەگەڵ هەڵمژینی دووكەڵی جگەرەدا لەسیەكاندا كۆدەبێتەوە پاش چڕبوونەوەی دووكەڵ لەسیەكاندا لە (70%) ی دەنكۆڵەكان لەسیەكاندا دەنیشن و دەمێننەوە.
6. نیكۆتین : بەژەهر ئەژمار دەكرێت، دەبێتە هۆی ئالوودەبوون، لەدەرمانە ئالوودەكەرەكان و دەرمانە مێرووكوژەكاندا بەكاردێت.
7. گازی یەكەم ئۆكسیدی كاربۆن : گازێكی ژەهراوی بێ بۆنی بێ تامە، بە بڕی زۆر دەبێتە گازێكی كوشندەی زۆر خێرا، لە سەرەتای داگیرسانی جگەرەدا دروستدەبێت، هەمان ئەو گازە لە گزۆزی ئۆتۆمبێلەوە دەردەچێت.
8. مادەی ئارسینیك : بۆ لەناوبردنی جورج و مشك بەكاردێت.
9. سیانید : گازێكی زۆر كووشندەیە

 

ئـ . كـ