لەجەمسەری باشوور دەریاچەیەكی گڕكانی دۆزرایەوە

07/07/2019 - 09:21 بڵاوکراوەتەوە لە هەواڵ/هەمەڕەنگ

 

 

توێژەران لە دوورگەیەك لە باكووری جەمسەری باشوور دەریاچەیەكی گڕكانی بە مادەی تواوەیان دۆزیەوە كە گەرمای مادە تواوەكانی لە نێوان (989 – 1279) پلەی سانتی ‌گرادە.

(لایڤ ساینس) بڵاویكردۆتەوە، دەریاچەیەكی گەورە لە مادەی تواوەی گڕكانی لە دوورگەیەكی پەرتی جەمسەری باشوورو لە ئۆقیانووسی ئەتلانتیك دۆزرایەوە، ئەو دەریاچەیە هەشتەمین دەریاچەی گڕكانی دۆزراوەی سەر زەوییە.

توێژەرانی زانكۆی كولێژی لەندەن و ڕێكخراوی British Antarctic Survey دەریاچەیەكی بێ هاوتا گڕكانی لە مادەی تواوەیان لە دوورگەی ساندێرز لە (10610) كیلۆمەتری باكووری ڕۆژهەڵاتی دەریای وۆدێل لە جەمسەری باشوور دۆزییەوە.

ئەو توێژەرانە بە لێكدانەوەی وێنەكانی مانگیلەیی ئەو دوورگەیە لە نێوان ساڵەكانی (2003 – 2018) تێگەیشتن لە دەركەی كێوی گڕكانی و داپۆشراوە لە بەفری مایكڵ پڕاوپڕە لە مادەی تواوە بە درێژایی (90 – 215) مەتر.

درێژایی ڕووبەری ئەو دەریاچەیە نیشاندەری بەرز بوونی گەرمای مادەی تواوەیە كە بە وتەی زانایان لە نێوان (989 – 1279) پلەی سانتی ‌گرادە.