داهاتوێكی ڕەش و تاریك چاوەروانی نەوەكانی داهاتوو دەكات

09/08/2019 - 09:10 بڵاوکراوەتەوە لە هەواڵ/هەمەڕەنگ

 

 

بۆ ئەوەی هەموو ئاگاداربن ئیكۆ سیستەمی گۆی زەوی بە چ قۆناغێكی هەستیاردا تێدەپەڕێت لە ئێستاو لە چەند دەیەی داهاتوودا، ئەم سەدەیە یەكلاكەرەوە دەبێت بۆ مرۆڤایەتی، یان دەبین و بەرەو داهاتوێكی پرشنگدار دەڕۆین كە بەداخەوە لە ئێستادا ئەمە بەدی ناكەین، یاخود وەكو ئێستا بەردەوام دەبین و زیاتر بەرەو هەڵدێر دەڕۆین، بەدەستی خۆمان و بە كردارو ڕەفتارەكانمان خۆمان و كۆمەڵێكی زۆر لە جۆرەكانی زیندەوەران و ڕووەكەكان لەناو دەبەین.

چەند جارێك ناوی ئیكۆ سیستەمی گۆی زەوی هێندراوە، مەبەست لێی هەموو سیستەمی ژینگەیی هەسارەی زەویە ئەویش سەر ڕووی هەموو پانتاییە ووشكاییەكان، ڕووبارو دەریاو زەریاكان، هەروەها بەرگە هەوای گۆی زەوی دەگرێتەوە كە تێكڕای زیندەوەران و ڕووەكەكان تیایاندا دەژین.

لوقمان حەوێز – تێكساس