مێژووێكی بەنداوی دوكان بزانن

13/04/2019 - 11:10 بڵاوکراوەتەوە لە هەواڵ/هەمەڕەنگ

 

 

ئاو واتە ژیان، هیچ كەسێك بەبێ ئاو ناژیت و هیچ زیندەوەرێك بەبێ ئاو ناتوانێت بژی، ئاو ڕووبەرێكی گەورە لەسەر زەوی داگیردەكات، هەورەكان لە ئەنجامی بەهەڵمبوونی ئاوی دەریاكانەوە دروست دەبن، گەران بەدوای شێوە جیاوازەكانی ئاو لە سەر ئەستێرەكانی تر بەمانای بوونی ژیانە لەو جێگایانەدا، ئەوەی مەبەستمانە باسی لێوە بكەین بەنداوی دوكانە، كەی؟ چۆن؟ دروستكرا بە تایبەتی لایەنە هونەرییەكەی.

(بەربەستی دوكان) بەردی بناغەی ئەم بەربەستە لەساڵی (1954) لەلایەن مەلیكی عێراق (مەلیك فەیسەڵی دووەم) ەوە دانرا، لە بناغەی ئەم بەربەستەدا (مەلیك فەیسەڵ) (فلسێك) ی عێراقی دانا وەك هێمایەك بۆ ئەو سەردەمە كە بچووكترین دراوی ئەوسەردەمە بوو، ئەم بەربەستە لە ساڵی (1954) دەستی پێ كردو لە ساڵی (1959) تەواو بوو كە لەلایەن كۆمپانیای (دۆمیز بالوت) ی فەرەنسیەوە ئەنجام درا بە سەرپەرشتی هەردوو كۆمپانیای (بنی دیكن و كۆرلی)، ئەم بەربەستە بڕی (14) ملیۆن دیناری ئەو سەردەمەی تێ چوو لە كاتێكا كە رۆژانەی كرێكارێكی ئەو سەردەمە (25) فلس بووە.

شێوازە هونەرییەكانی ئەم بەربەستە

1. بەرزی دیواری بەربەستەكە (116.5) مەترە. 

2. درێژی بەربەستەكە (260) مەترە.

3. بەرزی بەربەستەكە لە ئاستی رووی دەریاوە (516) مەترە.

4. رووبەری ئەو زەویەی كە بەربەستەكە ئاوی دەدات (11690) كیلۆمەتر دووجایە.

5. توانای هەڵگرتنی بڕی (6.8) ملیار مەتر سێ جا ئاوی هەیە.

6. ئەستووری بەربەستەكە لە بنكەكەیدا (54) مەترەو لە بەشی سەرەوەی (6.20) مەترە.

7. وێستگەی بەرهەمهێنانی ووزەی كارەبای تێدا دروستكراوە لەلایەن كۆمپانیای (H.P.S ) ( Hydro Power Station ) رووسیەوە لە ساڵی (1970).

(بەربەستی دوكان بۆ ئەم مەبەستانەی خوارەوە بەكار ئەهێنرێ)

1. هەڵگرتنی ئاوی باراناو.

2. بەرهەمهێنانی وزەی كارەبا بە بڕی (400) مێگاوات بەهۆی (5) تۆرباینەوە.

3. ئاودانی رووبەرێكی زەوی بە بڕی (1.500.000) دۆنم لە دەشتەكانی ناوچەی هەولێرو كەركوك.

4. بەخێوكردنی ماسی.

5. كەم كردنەوەی مەترسی لافاو.

سەرچاوە/ رێگا