قرژاڵێكی (95) ملیۆن ساڵە دۆزراوەتەوە

06/05/2019 - 10:48 بڵاوکراوەتەوە لە هەواڵ/هەمەڕەنگ

 

 

گروپێك لە لێكۆڵەرانی نێودەوڵەتی (بەردینە) ی (95) ملیۆن ساڵەی قرژاڵێكیان بە قەبارەی یەك سكەی (25) سەنتی دۆزیوەتەوە.

نیوئەتڵەس بڵاویكردۆتەوە، گروپێك لە لێكۆڵەرە نێودەوڵەتییەكان بە رێبەرایەتی (خاویر لاكی كۆنینە ناس) فوسیلی قرژاڵێكی پلاتیپۆسی (95) ملیۆن ساڵەیان دۆزیوەتەوە كە پرسیاری زۆری لە مێشكی لێكۆڵەران دروست كردووە.

ئەو فوسیلە كە لە نزمی زنجیرە كێوەكانی ئاند لە شیلی دۆزراوەتەوە دەگەڕێتەوە بۆ سەردەمی مامناوەندی كێرتاسە واتا (90 – 95) ملیۆن ساڵ پێش، ئەو قرژاڵە بچووكە بە ناوی زانستی (Callichimaera perplexa) دەناسرێت و تایبەتمەندییەكانی بەستێنی نوێی بۆ تەواوی بوونی ژیان دروست دەكات، ئەو قەرژانگە لە ناوچە كەنارییەكان ژیاوە.

لاك لەم بارەوە دەڵێت (Callichimaera perplexa) جۆرێكی تاقانەو سەیرە، ئەو فوسیلە نیشانی دەدات چۆن جۆرە نوێیەكانی ئاژەڵەكان تەواوی بوون و ئێستا بڵاو بوونەتەوە.