هۆكاری وشك بوونی مەریخ ئاشكرا دەكرێت

19/05/2019 - 09:08 بڵاوکراوەتەوە لە هەواڵ/هەمەڕەنگ

 

 

زانایان تێگەیشتن كە توێژی ناوەوەی ئەتمۆسفێری مەریخ كەلێنێكی تێدایە كە بۆتە هۆی ئەوەی ئاستێكی زۆری ئاوی ئەو هەسارەیە لەوێوە برژێتە ناو گەردوونەوەو ئاوەكانی دیكەی هەسارە لە جەمسەرەكانی مەریخدا كۆبنەوە.

لایڤ ساینس بڵاویكردۆتەوە، كەلێنێك لە ئەتموسفێری مەریخدا هەیە، هەر بە دوو ساڵ جارێك دەكرێتەوەو خەزێنەی كەمی ئاوی ئەو هەسارەیە دەدڵێتە ناو گەردوون و پاشماوەی ئاوی ئەو هەسارەیە كە قوتبەكانیدا كۆ دەبێتەوە.

ئەو بابەتە لە ئەنجامی توێژینەوەی گروپێك لە توێژەرانی ڕووسیاو ئەڵمانیادا كە بە دوای لێكدانەوەی كرداری سەیرو سەمەرەی ئاوی ئەو هەسارەیە بوون، ئاراستە كراوە.

زانایان تێگەیشتوون كە ئاستی هەڵمی ئاوی ئەتمۆسفێری مەریخ یەگجار زۆرەو لە لایەكی دیكەوە ئاوەكانی بەرەو قوتبەكانی هەسارە ڕادەخوشن، بەڵام تا ئێستا هیچ ڕوون كردنەوەیەكی گونجاو لەبارەی سووڕگەی ئاوی مەریخ لە ئارادا نەبووە، یان هۆكاری وشكبوونی ئەو هەسارە كە سەردەمانێك هەسارەیەكی پڕ ئاو بووە، ناڕوون و بێ وەڵام ماوەتەوە.

بەگوێرەی ئەو توێژەرانە كاتێك ئاو لە توێژی ناوینی و ناوڕاستی ئەتموسفێر تێدەپەڕێت، تووشی دوو ڕووداو دێت؛ یەكەم بەشێكی بەرەو قوتبەكانی باكوورو باشوری هەسارە دەچن و لەوێ خەزێنە دەكرێن، بەڵام بەشێكی بە هۆی بوونی تیشكی سەرو بنەوەش لە بەشی سەرەوەی ئەتمۆسفێر پەیوەندی نێوان ئۆكسجین و هایدرۆجین دەشكێنن و لە ئەنجامدا هایدرۆجین دەدڵێتە ناو گەردوونەوەو تەنیا مولوكولەكانی ئۆكسجین بە جێ دەمێنن.

ئەم پڕۆسەیە دەتوانێ یەكێك ملە هۆكارەكانی وشكبوونی پەیتا پەیتای هەسارەی مەریخ بێت.