شوێنەواری ژیاری ئیسلامی لە سەقز دۆزرایەوە

22/05/2019 - 10:03 بڵاوکراوەتەوە لە هەواڵ/هەمەڕەنگ

 

 

یەكەم وەرزی لێكۆڵینەوەی شوێنەوارناسی لە تەپۆڵكەی كۆنی كۆشكەڵەی شارستانی سەقز بووە هۆی دۆزینەوەی شوێنەواری ژیاری سەردەمی مێژوویی و ئیسلامی لەو تەپۆڵكە.

یەكەم وەرزی لێكۆڵینەوەیی شوێنەواری تەپۆڵكەی كۆنی كۆشكەڵەی شارستانی سەقز بە مەبەستی هەڵكۆڵین بە مەبەستی ناسینەوەی سەردەمە فەرهەنگییەكان بە سەرپەرشتی (تاهیر قەسیمی) لەهەشت ساڵ لەمەوپێشەوە دەستی پێكردو ئێستاش لە حاڵی ئەنجامدایە.

بەپێی قسەكانی سەرپەرشتی گرووپی لێكۆڵەر، ئاكامە سەرەتاییەكانی ئەو وەرزە، بریتییە لە دۆزینەوە پاشماوە بەجێماوەكان لەدوو سەردەمی فەرهەنگی سەدەكانی میانەی ئیسلامی و سەردەمی مێژوویی كە بۆ دیاریكردنی مێژووە ڕاستەقینەكەیان دەبێ تاقی كردنەوەی دیاری كردنی ساڵ ئەنجام بدرێت.

قەسیمی زیادی كرد: پێكهاتە دیاری كراوەكان لە سەردەمی ئیسلامی نیشاندەری شوێنەوارە گوندنشینییەكان بووەو لە سەردەمی مێژووییش پێكهاتەیەكی گڵی (خشتی) دەركەوتووە.

ناوبراو وتیشی: بەرنامەی لێكۆڵینەوەیی شوێنەوارناسی تەپۆڵكەی كۆشكەڵە، یەكەم پڕۆژەی لایەنگاری لەو شارستانەیە كە دەتوانێت زانیاری بەنرخ بخاتە بەردەستی لێكۆڵەران و بەشێك لە خشتەی مێژوویی ناوچەكە دیاری بكات، لەم پەیوەندیەدا بۆ پاراستن و ناساندنی ئەو شوێنەوارە بەنرخە هەماهەنگی پێویست لەگەڵ ئیدارەی میراتی فەرهەنگی، پیشە دەستییەكان و گەشتیاری كوردستان ئەنجام دراوە.