زلهێزێن جیهانی هێزێ ره‌وانه‌ی سوریا دكن و ل به‌رامبه‌ر به‌شار ئه‌سه‌دی ژی هێشتا دبێ هێزن

15/06/2016 - 13:40 بڵاوکراوەتەوە لە هەواڵ/گشتی

كوردیو -


ب ڤیدیو و وێنه‌ و ب به‌لگه‌ و داتا ، و ل به‌رچاڤێن هه‌می جیهانێ ب بومبێن فسفوری و عنقودی و ب سه‌دان جورێن جودا جودا یێن چه‌كی گران و سڤك هه‌ر ئێك ژ سوپایێن روسیا و سوریا ژ ئاسمانا هێرشی ناوچه‌یێن دورپێچكری ل حه‌له‌ب و ئیدلب و چه‌ند ده‌ڤه‌ره‌كێن نێزیك ژ دیمه‌شقێ ئه‌نجام ددن و نه‌خوشخانه‌ و چاترگه‌هـ و بازار و مزگه‌فت و هه‌ر جهه‌كێ ب وه‌لاتیێن مه‌ده‌نی ڤه‌ گرێدایی ئارمانجێن روژانه‌نه‌ بۆ وان هێرشێن ئاسمانی ، و ب ده‌هان كه‌س ژی روژانه‌ ژ ژن وزاروك و پیرا دبنه‌ قوربانی ، وهێشتا زلهێز دبێ هێزن به‌رامبه‌ر ئه‌ڤان هه‌می تاوانێن مه‌زن دڤی سه‌رده‌مێ نوكه‌ جیهان تێدا ده‌ربازدبت ، وزلهێزێن جیهانێ مژویلی ژناڤبرنا داعشێ نه‌ وه‌كی ئه‌و دبێژن .
كه‌نالێ جه‌زیره‌ دراپورته‌كا نوی دا گوتیه‌ : پشتی هنارتنا تیمه‌كا راوێژكاری یا سه‌ربازێن ئه‌مریكی و پشتی پلانا فر‌ه‌نسا بۆ ڤه‌كرنا سه‌ربازگه‌هه‌كێ ل ‌كۆبانێ ، هه‌رئێك ژ وه‌ڵاتێن ئه‌ڵمانیا و كه‌نه‌دا و به‌رتیانیا ژی هێزێ ره‌وانه‌ی رۆژئاڤا دكن ل باكورێ سوریا .
د‌چه‌ند رۆژێن بوریدا ، ژماره‌یه‌كا ئاژانسێن جیهانی و ناوچه‌یی ئاشكراكرن ” فر‌ه‌نسا ل به‌ره‌ هێزێكا راوێژكاری تۆكمه‌ ره‌وانه‌ی رۆژئاڤا ب‌كت و بۆ وێ مه‌ره‌مێ ژی‌ تیمه‌ك هنارتیه‌‌ بۆ دیاریكرنا جهێ دروستكرنا سه‌ربازگه‌هه‌كا مه‌شقكرنێ بۆ شه‌رڤانێن دهێنه‌ نیاسین ب (هێزین سوریا دیموقرات) ژبۆ به‌هنگاربینا داعشێ ل دویف لێدوانێن به‌رپرسێن فره‌نسا ، دڤی راپورتێ دا ئه‌و ژی هاتیه‌ ، روسیا نه‌رازیه‌ ژ هاتنا سه‌ربازێن هه‌فپه‌یمانان بۆ ناڤ خاكا سوریا و رژێما دیمه‌شقێ ژی دگه‌ل یا ته‌هرانێ بێ ده‌نگی هه‌لبژارتیه‌ و توركیا ژی حه‌یری مایه‌ .
ژێدەر / الجزیرە نیت


هونەر بانەگوڵانی