لافاو لەم شارۆچكە كوردیە كارەساتی دروست كرد

20/06/2016 - 12:23 بڵاوکراوەتەوە لە هەواڵ/گشتی

كوردیو -
لە ئەنجامی باران بارینێكی زۆر و دروستبونی لافاو لە شارۆچكەی كەڤەری سەر بە هەكاری لە كوردستانی باكور، 800 سەر مەڕ بەهۆی لافاوەوە لەناوچون.

بەپێی زانیارییەكان دانیشتوانی شارەدێیەكی سەر بە شارۆچكەی كەڤەری سەر بە هەكاری بەمەبەستی لەوەڕاندن، مەڕ و ماڵاتەكانیان بردۆتە نزیك رووباری دۆلان بەڵام بەهۆی باران بارینێكی زۆر لە ناوچەكەدا 800 سەر مەڕ و ماڵاتی تایبەت بە چل خێزان بەهۆی لافاوەوە ژێر ئاو كەوتون و لەناوچوون.

موختاری شارۆچكەكە رایگەیاندووە : روداوەكە لەكاتی شەودا رویداوە و بەو هۆیەشەوە مەڕ و ماڵاتێكی زۆر لەناوچوون كە سەرچاوەی بژێوی ژیانی زۆربەی دانیشتوانی ئەو ناوچەیە.
وتویەتیشی:دوای رووداوەكە چوینە ناوچەكە و كارەساتێكمان بینی، گشت مەڕەكانمان لەناوچووبوون و ئاماژەی بەوەشكرد كە سەرچاوەی بژێوی ژیانیان ئاژەڵدارییە وتیشی نزیكەی 800 سەر مەڕ لەناوچوون و 300 دانەش زیانیان بەركەوتووە.


 

 

هونەر بانەگوڵانی