لەجیهان (65) ملیۆن ئاوارە هەیە

21/06/2016 - 10:44 بڵاوکراوەتەوە لە هەواڵ/گشتی

 

 

 

كۆمسیۆنی باڵای نەتەوە یەكگرتووەكان بۆ كاروباری ئاوارەكان رایگەیاند، قەیرانی ژمارەی پەنابەران تەنها لە ساڵی (2015) دا رووی لە هەڵكشان كرد بە جۆرێك گەیشتۆتە زیاتر لە (65) ملیۆن ئاوارە، واتە نزیكەی (6) ملیۆن زیاتر بەراورد لەگەڵ ساڵی (2014).
(فلیپـۆ گراندی) سەرۆكی ئۆفیسی پەنابەران لە نەتەوە یەكگرتووەكان لەمیانەی بڵاوكردنەوەی راپۆرتێك ئاماژەی بەوەكردووە، ئێسـتا لە جیهاندا لە هەموو (113) كەسێك یەكێـكیان ئاوارەیە یان پەنابەرە.
ئەو ووتیشی، ئەو ئاوارەو پەنابەرانەی خۆیان لە ئاوی دەریای ناوەڕاست دەدەن تاكو بگەنە ئەوروپا، پـێمان دەڵێن: ئەگەر ئێوە كێشەو شەڕەكانی وەكو ئەوانەی ڕۆژهەڵاتی ناوەڕاست و ئەفریقیاو باشووری ئاسیا چارەسەر نەكەن، ئەوا ئەو كێشانە بۆ نێو ماڵی ئێوەش دێن، داواشی كرد كارێـك بۆ ئەم دۆخە بكرێت.
ئۆفیسی پەنابەران لە نەتەوە یەكگرتووەكان (UNHCR) دەڵێت: نزیكەی (21.3) ملیۆن كەس لە سوریاو ئەفغانسـتان و باشووری سودان و بۆرۆندی لە تاو شەڕ ئاوارەبوون.

 

ئـ . كـ