ئەم كۆمپانیایە ئاشكرابوو كە رێككەوتن و بازرگانی لەگەڵ داعش هەیە

22/06/2016 - 18:42 بڵاوکراوەتەوە لە هەواڵ/گشتی


كۆمپانیایەكی فەرەنسی ئاشكرا دەبێت كە یارمەتی و هەماهەنگی پێشكەش بە رێكخراوی تیرۆرستی داعش كردوەو ئاشكرابونەكەشی لەسەر دەستی رۆژنامەیەكی بەناوبانگی وڵاتەكەیەتی .

رۆژنامەی لۆمۆندی فەرەنسی ئاشكرای كردووە: ‌‌كۆمپانیای لاڤارجی وڵاتەكەی ‌‌كە یەكێكە لەو كۆمپانیایانەی لەبواری ‌‌كەرەستەی بیناسازی كار دەكات لە ساڵی 2007 چەند كارگەیەكی لە سوریا كرێوەو لە ساڵانی 2013 و 2014 ەش لەگەڵ داعش رێككەوتنی كردووە تا كارگەكانی كارپێبكاتەوە .

ئەوەشی ئاشكرا كردووە: داعش لە ساڵی 2013 ئەو ناوچانەی داگیركردووە كە لە نزیك كارگەكانی كۆمپانیا فەرەنسیەكە بوە، بەڵام كۆمپانیای لاڤارجی لە كارگەی چیمەنتۆ تاكو ساڵی (2014) بەرهەمهێنانی ‌لە كارگەكەی هەبوەو بەردەوام بووە كە دەكەوێتە نزیك حەلەب .

لەبارەی تێپەربوونی كاروانی كەل و پەل و ئۆتۆمبێل و كەرستەكانی كۆمپانیا فەرەنسیەكە ئەوە هاتووە كە داعش مۆری بەڕێوەبەری دارایی خۆیانی لە حەلەب لەسەر نوسراوەكان كردوە تا بێ كێشە تێپەر بن و لەبەرامبەریشدا كۆمپانیا فەرەنسییەكە نەوتی لە داعش كڕیوە و باجی پێ داوە .

جێی باسە چەندین جار كۆمپانیاكانی تایبەت بەچەك و نەوت و خۆراك ئاشكرابوونە كە لە وڵاتانی رۆژئاواو بیانیەكانەوە پەیوەندی ئابوری و رێككەوتنی تایبەتیان لەگەڵ رێكخراوی تیرۆرستی داعش هەیە .

م. كانی