لەشاری كابۆل شەڕێكی سەختە

01/07/2019 - 09:52 بڵاوکراوەتەوە لە هەواڵ/گشتی

 

 

تەقینەوەیەكی بەهێز شاری كابۆلی پایتەختی ئەفغانستان دەهەژێنێت و بەهۆیەوە دەیان قوربانی هەیە.

بەیانی ئەمڕۆ تەقینەوەیەكی بەهێز شاری كابۆلی پایتەختی ئەفغانستانی هەژاندووەو بەپێی زانیارییە سەرەتاییەكان لایەنی كەم (65) كەس برینداربوونەو تەقینەوەكەش لەڕێگەی ئۆتۆمبێلێكی بۆمبڕێژكراوەوە ئەنجامدراوە.

(نوسرەت ڕەحیمی) وتەبێژی وزارەتی ناوخۆی ئەفغانستان ڕایگەیاندووە: لە نزیك تاوەری گوڵبەهار لەشاری كابۆل لە ڕێگەی ئۆتۆمبێلێكی بۆمبڕێژكراوەوە تەقینەوەیەك ڕوویداوەو دوای ئەوە چەند هێرشبەرێكی خۆكوژ خۆیان كردووە بە بینایەكدا.

ڕەحیمی باسی لە كوژراو نەكردووەو، ڕایگەیاندووە: لە ئەنجامی تەقینەوەكە تا ئێستا (65) بریندار گواستراونەتەوە بۆ نەخۆشخانەكان، كە نۆ كەسیان منداڵن، هەروەها وتوویەتی: هێزە تایبەتەكانی پۆلیس خۆیان گەیاندۆتە ناوچەكەو لە ئێستادا هاتووچۆ لەو گەڕەكە قەدەغە كراوەو پێكدادان لەگەڵ هێرشبەرەكان بەردەوامە.