ترامپ : ئێران یاری بە ئاگر دەكات

02/07/2019 - 08:35 بڵاوکراوەتەوە لە هەواڵ/گشتی

 

 

دوای ئەوەی ئێران ڕایگەیاند، ئەو سنوورەی تێپەڕاندووە كە بەپێی ڕێكەوتنە ناوەكییەكە بۆی دیاریكراوە بۆ عەمباركردنی یۆرانیۆمی پیتێنراو، سەرۆكی ئەمریكا لە كۆشكی سپی وتی : ئێران یاری بە ئاگر دەكات.

(دۆناڵد ترامپ) سەرۆكی ئەمریكا لە كۆشكی سپی لە وەڵامێكیدا بۆ ڕۆژنامەنووسان كاتێك سەبارەت بەوەی كە ئایا هیچ پەیامێكی هەیە بۆ ئێران پرسیاری لێكرا وتی، ئێران دەزانێت چی دەكات و یاری بە ئاگر دەكات.

جێگەی ئاماژەیە گرژییەكانی نێوان ئەمریكاو ئێران زیادیان كرد، ئەمەش ساڵێك دوای كشانەوەی ئەمریكا لە ڕێكەوتنە ناوەكییەكەو سەپاندنەوەی سزاكان بەسەر تاراندا.

لەلایەكی دیكەوە ئەمریكا سزای سەپاند بەسەر ڕابەری باڵای ئێران و كۆمەڵێك بەرپرسی باڵای دیكەی ئێرانیدا، ئەمەش وەكو وەڵامدانەوەیەك بۆ خستنە خوارەوەی فڕۆكەیەكی بێ فڕۆكەوانی ئەمریكی لەلایەن ئێرانەوە.