نێجیریا... تەقینەوەی تانكەرێك زیاتر 120 قوربانی لێكەوتەوە

02/07/2019 - 17:14 بڵاوکراوەتەوە لە هەواڵ/گشتی

بەهۆی تەقینەوەی تانكەرێك لە پارێزگای بێنیو لە ووڵاتی نێجیریا زیاتر لە 120 كەس بونە قوربانی و جگە لە كوژراوو بریندارەكان ژمارەیەك كەسیش بیسەروشوێنن.

 

بەپێی هەواڵی بەشێك لە ئاژانسە جیهانیەكان ،كریستۆفەر ئاڤی كاربەدەست لە پارێزگای بێنیو ئاماژەی بەوەكردووە: لە كاتێكدا كە دانیشتوانی ناوچەكە سەرگەرمی بەتاڵكردنەوەی بەنزینی ناو ئەو تانكەرە بوون كە تووشی رووداوی هاتوچۆ ببوو، بە هۆكارێكی نادیار تانكەرەكە تەقیوەتەوە.

 

كریستۆفەر ئاڤی رایگەیاندووە: تەرمی ٥٠ كەس لە ئەنجامی تەقینەوەكەدا تا ئێستا دۆزراونەتەوە، ٧٠ كەس برینداربوون و ژمارەیەكی زۆریش چارەنووسیان نادیارە.

 

ئەو كاربەدەستە ئاماژەی بەوەشكردووە: كە بریندارەكان گواستراونەتەوە نەخۆشخانەكان، خانووەكانی دەورووبەر بە تەواوەتی سووتاون و لێكۆڵینەوەش لە رووداوەكە دەستیپێكردووە.

 

 

 هـ . س