كەنارە ئاوییەكانی ئیتالیا بە ڕووی پەنابەراندا داخران

09/07/2019 - 11:30 بڵاوکراوەتەوە لە هەواڵ/گشتی


دەزگای لوتكە بۆكاروباری ئاوارە و پەنابەران ڕایدەگەیەنێت: بە ناچاری رێگەیان بە دوو كەشتی داوە لەنگەر بگرن و كەنارە ئاوییەكانی ئیتاڵیا بە ڕووی پەنابەراندا داخران.


دەزگای لوتكە بۆكاروباری ئاوارە و پەنابەران لەڕاگەیەندراوێكدا كەوێنەیەكی دەست كوردیو كەوتوە، ڕایگەیاند:" لە مانگی رابردووەوە وڵاتی ئیتاڵیا لەبەر كۆچی بە لێشاوی پەنابەران، بریاری دا كە هەر كەشتییەك بە بێ‌ رەزامەندی بچێتە سنورە ئاوییەكانی وڵاتەكەیانەوە، ئەوا سزای ماددی دەدرێت، بەو پێیەش هیچ كەشتییەكی هەڵگری پەنابەر بۆی نابێت لە سنورە ئاوەییەكانی ئەو وڵاتە نزیك ببێتەوە یان لەنگەر بگرێت".


ئەوەشی خستەڕوو: وەك چۆن پێشتر كەشتی ئالان كوردی ئەڵمانی سەر بە رێكخراوی سی ئای ئەڵمانی بە ناچاری و بە 65 پەنابەرەوە لە كەنارە ئاوییەكانی ئەو وڵاتە لەنگەری گرت، بەهەمانشێوە كەشتییەكی تر بە ناوی ئەلێكس كە كەشتییەكی ئیتاڵییە بە 41 پەنابەرەوە خۆی گەیاندە سنورە ئاوییەكانی وڵاتەكەی تاوەكو ژیانی ئەو پەنابەرانە لە مردن رزگاربكات.


ئاماژەی بەوەشكرد: دەستەی هەردوو كەشتی ناوبراو لە لایەن بەرپرسانی ئیتاڵیاوە دووچاری لێپرسینەوە بوون، بەڵام دواتر بەر لێخۆشبوون كەوتوون بە بیانوی ئەوەی كاری خێرخوازی مرۆڤ دۆستانەیان ئەنجامداوە.


جێگەی ئاماژەبۆكردنە تا دێت یاساو رێساكانی وڵاتانی ئەوروپاو جیهان بەگشتی بەرامبەر بە پەنابەران سەخت و دژوار دەبێت بە شێوەیەك كە تەنانەت جگە داخستنی سنورە وشكانییەكان بە رووی پەنابەراندا، لە ئێستادا سنورییە ئاوەییەكانیشی گرتۆتەوە.