میسر دەروازەی رەفح ی بەڕووی غەزەدا داخست

25/08/2019 - 10:29 بڵاوکراوەتەوە لە هەواڵ/گشتی

 

بەبێ ئەوەی هۆكارەكەی ئاشكرا بكات حكوومەتی میسر بڕیاریدا بۆ ماوەی سێ رۆژ دەروازەی ڕەفح بە ڕووی هاوڵاتیانی غەززەدا دابخات.



وەزارەتی ناوخۆ لە كەرتی غەززە كە بزووتنەوەی حەماس بەڕێوەی دەبات بەیاننامەیەكی بڵاوكردەوەو ئاماژەی بەوەكرد: لەلایەن حكومەتی میسرەوە ئاگاداركراونەتەوە لە دوێنێ یەكشەممەوە تا رۆژی سێشەممە دەروازەی رەفح بەڕووی گەشتیاراندا دادەخرێت.


هەروەها ئەوەشی خستەڕوو: زانیاری زیاتر سەبارەت بە هۆكاری داخستنی دەروازەی رەفح نەخراوەتەڕو و هیچ روونكردنەوەیەك لەوبارەیەوە لە لایەن میسرەوە بڵاونەكراوەتەوە.