18 ساڵ بەسەر ڕوداوەكەی 11ی سێپتەمبەری ئەمریكا تێدەپەڕێت

11/09/2019 - 10:35 بڵاوکراوەتەوە لە هەواڵ/گشتی


لە ڕۆژێكی وەك ئەمڕۆدا و لە ساڵی 2001 لە ڕێگەی چوار فڕۆكەی ئەمریكییەوە هێرشكرایە سەر شوێنە هەستیارەكانی ئەمریكاو تیایدا نزیكەی سێ هەزار كەس گیانیان لەدەستدا.


لە ڕۆژی 11ی سێپتەمبەری ساڵی 2001 لە كاتژمێر 8:46 خولەكی بەیانی بەكاتی نیویۆرك ڕوداوێكی نەخوازراو ڕویدا كە تیایدا فڕۆكەیەكی ئەمریكی لە جۆری ئێرلاین و 92 سەرنشینی تێیدابوو كە بۆ گەشت بەرەو لۆس ئەنجلس هەڵسا، دواتر لەلایەن چەند كەسێكەوە ئاڕاستەی گەشتەكە گۆڕدرا و فڕۆكەكەیان كێشا بە تاوەری ژمارە یەكی سەنتەری بازرگانی لە نیویۆركدا.


هەروەها فڕۆكەیەكی دیكە كە 56 سەرنشینی تێدابوو لە فڕۆكەخانەی بۆسنە فڕی و خۆی كێشا بە تاوەری دوەمی سەنتەر بازرگانی نیویۆركداو فڕۆكەی سێیەمیش كاتژمێر 9:33 خولەك بە كاتی نیویۆرك لە فڕۆكەخانەی داڵاس فڕی خۆیكێشا بە یەكێك لە هەستیارترین باڵەخانەی ئەو وڵاتە كە پێنتاگۆن بو وە فڕۆكەی چوارەمیش كە فڕۆكەیەكی گەشتیاری بو لە فڕۆكەخانەی وارك هەڵفڕی بەرە و سان فرانسیسكۆ، بەڵام لە نزیك بێتس بێرگ لە ویلایەتی پەنسلڤانیا كەوتەخوارەوە و سەرجەم سەنشینەكان و چەكدارەكانیش گیانیانلەدەستدا كە ژمارەیان 44 كەس بوو.


ئەو ڕوداوانە كە لەو ڕۆژەدا ڕویاندا بە وتەی بەرپرسانی ئەمریكا هێرشەكان للا لایەن 19 كەسی سەر بە گروپی قاعیدەوە ئەنجامدران و بەو هۆیەشەوە دوای ئەو هێرشانە گۆڕانكارییەكی گەورە لە سیاسەتی ئەمریكادا رویدا و كۆشكی سپی و پێنتاگۆن شەڕی دژی تیرۆریان راگەیاندو هەر لەو ساڵەدا هێزەكانی سوپای ئەمریكا هێرشیان كردە سەر ئەفغانستان.


هەر بەپێی ئامارەكان كە لەو وڵاتەدا تۆمار كراوە، بەهۆی ئەو چوار هێرشەوە كە لەو ڕۆژەدا لە ئەمریكا ڕوویدا نزیكەی سێ هەزار كەس گیانیان لەدەستدا كە خەڵكی 78 وڵاتی جیاواز بوون.