به‌هۆی كوشتنی شه‌ش موسڵمان هاوڵاتیه‌كی كه‌ندی سزای 40ساڵ زیندانی به‌سه‌ردا سه‌پێندرا

09/02/2019 - 15:04 بڵاوکراوەتەوە لە هەواڵ/گشتی

 

دوای ئه‌وه‌ی گه‌نجێكی كه‌نه‌دی  شه‌ش  موسڵمانی لەكاتی نوێژدا كوشت، 40 ساڵی زیندانی بۆ بڕایەوە بەبێ‌ ئەوەی مافی ئازادكردنی پێشوەختی هەبێت.

سەرچاوەكانی هەواڵ ئاشكرایان كردوه‌،دوای ئه‌وه‌ی (ئەلێكساندەر بیزونیت)ی تەمەن 29 ساڵ، بەهۆی رق و كینەی بەرانبەر موسڵمانە كۆچەرەكان هەڵسوكەوتی كردوە، ئەو گەنجە ساڵی 2017 هێرشی كردوەتەسەر نوێژخوێنان لەمزگەوتی كەرتی كیبیك، كە بە خراپترین هێرش بۆسەر موسڵمان لە خۆرئاوا لەقەڵەم دەدرێت و داواكاری گشتی داوای (150) ساڵ زیندانی بۆ تۆمەتبارەكە كردوە، بەڵام دادوەر داواكاریەكەی بە نالۆژیكی لە قەڵەمداوە، بۆیە سزای 40 ساڵ زیندانی بەسەردا دەسەپێنرێت بەبێ‌ ئەوەی مافی ئەوەی هەبێت پێش بەسەربردنی ئەو وادەیە، ئازاد بكرێت.

دادوەری كیبیك باس لەوە دەكات، ئەو تاوانە، كە زیانی گەورەی لێكەوتوەتەوە بۆ هەمیشە بەخوێن لەمێژووی شارەكە و وڵاتەكەدا دەنوسرێتەوە، ئەوەی تۆمەتبار كردویەتی بەها كۆمەڵایەتییە سەرەكیەكانیانی لەكەداركردوە.

جێگه‌ی ئاماژه‌یه‌ به‌رواری 29-1-2017 ئەلێكساندەر بیزونیت بە چەكێكەوە خۆی دەكات بەناو مزگەوتی كەرتی كیبیك و بەرامبەر (40) نوێژخوێن و( 4) منداڵ دەستیكرد بەتەقەكردن و بەهۆی ئەو كارەشیەوە( 6) كەس گیانیان لەدەستداو( 5) كەسی دیكە بەسەختی برینداربون، كە یەكێكیان دواتر توشی ئیفلیج بوون هات .