لە لافاوەكانی ئێران سەدان قوربانی هەیە

03/04/2019 - 09:19 بڵاوکراوەتەوە لە هەواڵ/گشتی

 

 

وتەبێژی ڕێكخراوی فریاگوزاری ئێران ڕایگەیاند، لە ڕووداوی لافاوی ئەم ڕۆژانەی ئێران تاكو ئێستا (57) كوژراوو (478) كەسیش بریندار بوونە.

بەپێی هەواڵێكی ئاژانسی میهر, لافاوی ئەم دواییەی ئێران تاكو ئێستا زیانی گیانی لە (15) پارێزگای ئەم وڵاتە هەبووە.

(موجتەبا خالیدی) ڕایگەیاند: لە لافاوی ئەم ڕۆژانەی ئێران (22) كەس لە شیراز, (7) كەس لە پارێزگای گولستان, (5) كەس لە پارێزگای مازەندەران, (3) كەس لە خوراسانی باكووری, (3) كەس لە كەهگیلویەو (5) كەس لە لورستان گیانیان لە دەستداوە.

هەروەها لە خوراسانی ڕەزەوی, سمنان, هەمەدان, خووزستان, كرماشان, زەنجان, قەزوین و ئیلام و كوردستان هەر یەكەیان یەك كەس تاكو ئێستا گیانیان لە دەستداوە.