ئێران بە هەڕەشەیەكی مەترسیدار وەڵامی ئەمریكای دایەوە

23/04/2019 - 11:17 بڵاوکراوەتەوە لە هەواڵ/گشتی


لە بەرامبەر سزاكانی ئەمریكا بە قەدەغەكردنی فرۆِشتنی نەوتەكەی، هێزی دەریاوانی سەر بە سوپای پاسداران هەڕەەشی داخستنی گەروی هورمز دەكات ئەگەر بێتوئەمریكا بیەوێت ئابوری ئێران بخنكێنێت.


ئاژانسی هەواڵی فارس لە زاری ژەنەڕاڵ عەلی ڕەزا تەگسیرە فەرماندەی هێزی دەریایی ئێران بڵاویكردەوە" بە پێی یاسای نێودەوڵەتی گەروی هورمز ڕێگەیەكی نێودەوڵەتی ئاویە و ئەگەر ڕێگەمان لێ گیرا لە بەكارهێنانی ئەوا ئێمەش دایدەخەین".


گەروی هورمز ناوەندێكی نێودەوڵەتیە كە زۆرینەی نەوتی كەنداو لەو ڕێگەیەوە هەناردە دەكرێت.


فەرماندەی هێزی دەریایی ئێران وتیشی ئگەر ڕوبەڕوی هەر مەترسیەك بوینەوە بێ هیچ دوو دڵیەك ئەوا سنورە ئاویەكانی ئێران دەپارێزین و بەرگری لێ دەكەین".