سه‌ره‌تای هه‌فته‌ی داهاتوو دیارده‌یه‌كی گه‌ردوونی روو ده‌دات

16/05/2019 - 11:35 بڵاوکراوەتەوە لە هەواڵ/گشتی

 

رۆژی‌ شەممەی سەرەتای هەفتەی داهاتوو دیاردەیەکی‌ گەردوونی‌ سەرنجڕاکێش روودەدات و رەنگی مانگ بۆ شین دەگۆڕێت.

میدیاکان بڵاویانکردووەتەوە، سەرەتای هەفتەی داهاتوو دیاردەیەکی گەردوونی سەرنج راکێش روودەدات و تا 2021 یش دیاردەکە دووبارە نابێتەوە.

بە گوێرەی زانیارییەکان کاتێک مانگ دەکەوێتە دیوەکەی‌ تری‌ خۆر، شێوەی‌ مانگ بەتەواوەتی‌ دەردەکەوێت رۆشناییەکەشی‌ لە رۆژدا شین دەبێت، بەڵام لەشەودا ئاسایی دەبێتەوە.

ئاژانسی ناسا روونیکردووەتەوە: "بەشێوەیەکی‌ ئاسایی هەمیشە لەم وەرزەدا دیاردەکە سێ مانگ بە تەواوەتی‌ دەبیندرێت و دوو ساڵ و شه‌ش مانگ جارێک روو دەدات".