سعودییە هۆشداری دەداتە ئێران

19/05/2019 - 11:31 بڵاوکراوەتەوە لە هەواڵ/گشتی


وەزیری دەوڵەت بۆ كاروباری دەرەوەی سعویە ڕایدەگەیەنێت: وەك سعودییە ئاشتی و ئارامیمان دەوێت بۆ ناوچەكەو ئێستا تۆپەكە لەگۆڕەپانی ئێرانەو بێدەنگ نابین لە ئاست دەستدرێژییەكان.


ئەمڕۆ یەك شەممە، عادل جوبەیر وەزیری دەوڵەت بۆ كاروباری دەرەوەی سعویە لەكۆنفرانسێكی ڕۆژنامەوانیدا ڕایگەیاند: ئێمە ئارامی و ئاشتیمان دەوێت بۆ ناوچەكە بەڵام ئەوە ئەوە ناگەیەنێت لەبەرامبەر هێرشەكانی ئێران بێدەنگ بین و ئەو تۆپەی لەگۆڕەپانی تارانە پێویستە بزانێت چۆن مامەڵەی لەگەڵ دەكات.


هەروەها ئەوەشی خستەڕوو: وادیارە ئێران ئارامی ناوچەكەی ناوێت و لەئەگەری هەر هێرشێك بۆ سەر بەرژەوەندییەكانی سعودییە وەڵاممان دەبێت.


عادل جوبەیر داواشی لە بەرپرسانی ئێران كرد كە كۆتای بەدەستوەردان لە كاروباری ناوچەكەو سیاسەتی تێكدەرانە بهێنێنن و بزانن چۆن مامەڵەی دراوسێیانە دەكەن.

 

 

 

س ب