بەهۆی داخستنی ئیبراهیم خەلیلەوە توركیا یەك ملیار دۆلار زیانی لێكەوتووە

02/05/2016 - 11:18 بڵاوکراوەتەوە لە هەواڵ/گشتی

وەزیری ئابووری توركیا مستەفا ئەلیتاش لەمیانی سەردانی بۆ شاری وان، دوای نوێژی هەینی كاسبكارانی شارەكەی بەسەر كردەوەو دەستی كرد بە ئاخاوتن لەگەڵییاندا .

سەرەتا ئەلیتاش ئاماژەی بەوەدا كە لە كانوونی دووەمی ئەمساڵدا بەرێژەی لەسەدا ٢٢ هەناردەی بەرهەمی توركیا كەمی كردووە و شەڕوپێكدادانەكانی ئەم دواییەشی بە هۆكاری سەرەكی لەقەڵەمدا بۆ كەم بوونەوەی بازرگانی و رێژەی هەناردەكردن، بەتایبەت لەگەڵ داخستنی خاڵی سنووری ئیبراهیم خەلیل (هابوور) بەهۆی بوونی هەڕەشە لەسەر بارهەڵگرەكان و هێرشكردنە سەریان لەلایەن پەكەكەوە، نزیكەی یەك ملیار دۆلار زیان بەر توركیا كەوتووە كە هاوكات سەرچاوەی بژێوی هاووڵاتییانیش بووە .