بۆ ئەوەی چەوری لەشمان كەمبكەینەوە، ئەمانە بكەن

07/07/2019 - 08:54 بڵاوکراوەتەوە لە هەواڵ/تەندروستی

 

 

بەهۆی ئەو گۆرانكاریانەی بەسەر جۆرو دروست كردنی خۆراكدا هاتووە بوونی كێشی زیادو چەوری زیادە ڕووی لە زیادكردن كردووە ئەوەش بەهۆی ئەوەی بەشێوەیەكی گشتی پشتمان بەستووە بە خۆراكی دەستكرد كە لە ڕێگەی پیشەسازییەوە دروست دەكرێت وەكو بەرهەمە شیرینییەكان و چەوری و خۆراكی دروستكراو لە ڕێگەی كارگەكان و خواردنی خێراو ساردەمەنی و زۆر بە كەمی خۆراكی سروشتی بەكار دێنین وەكو میوەو سەوزەو گوێزو بادەم و هەنگوین و پاقلەمەنییەكان بۆیە پێویستە بەرنامەیەكی خۆراكیمان هەبێت:

1. هەموو ژەمەكان خۆراك بخورێت هیچ ژەمێكی خۆراك لە بەیانی و نیوەڕۆو ئێوارە لانەبرێت. 

2. هەموو ژەمێك پێش نان خواردن (750) مل ئاو، واتە سێ پەداخ ئاو بخورێتەوە. 

3. پێویستە هەموو ژەمەكان پێش خواردن زەڵا‌تەو سەوزە بخوات تەماتەو خەیار و ترۆزی و كەلەرم و سێو گێزەرو جەرجیرو تەرەتیزەو كەرەوزو كاهو بۆ ئەوەی چەورییەكان بتوێتەوە. 

4. خواردنی زۆرترین بڕی پیاز لە هەموو ژەمەكان بە تایبەتی بە كاڵی زۆر سوود بەخشە بۆ دابەزاندنی كێش. 

5. خواردنی نانی بۆر كە كەپەك لە پێكهاتەكەیدا هەبێت واتە ئاردەكە نەبێژرێتەوە كە ڕیشاڵ و ڤیتامین و كانزای پێویست لە ناو كەپەكی گەنمدا هەیە سوود بەخش و كێش دادەبەزێت یان خواردنی نانی جۆ.

6. لە دوای كاتژمێر (6) ی ئێوارە میوەكان نەخورێت، چونكە بڕێكی زۆر شەكری تێدایە دەبێتە هۆی زیاد بوونی كێش و چەوری بە شەوان تەنها خەیارو ترۆزی و كاهۆ بخورێت.

7. لەدوای ئەو بەرنامانە ئاساییە خۆراك بخۆیت زیانی نیە، چونكە بەهۆی سەوزەو میوەی پێش خواردن بڕی كەم خۆراك دەخورێت.