ئەو میوانەی دەوڵەمەندن بە ئاسن، چین ؟؟

10/07/2019 - 09:19 بڵاوکراوەتەوە لە هەواڵ/تەندروستی

 

 

كەمخوێنی مامناوەندی ئاسن نەخۆشیەكی بەربڵاوەو بە نزیكەیی (610) ملیۆن كەس گیرۆدەی بوون لەسەرتاسەری جیهاندا كە دەكاتە (8.8%)‏ دانیشتوانی سەرزەوی، بەگشتی لە ئافرەتاندا زیاترە بەراورد بە پیاوان بەجۆرێك بڕی ئاسنی ئەمباركراو لە ئافرەتاندا (2.5) گرام و لە پیاواندا (3.5) گرامە.

ئاسن بە بڕی جیاواز لە زۆربەی میوەو سەوزەكاندا هەیە سەڕەرای ڤیتامینەكانی تر بەتایبەت ڤیتامین سی كەیاریدەی مژینی ئاسن دەدات لە ڕیخۆڵەكاندا.

ئەم (7) میوەیەش سەرچاوەیەكی باشی مادەی ئاسنن.

1. خورما: میوەیەكی شیرینەو پڕە لەوزەو بەها خۆراكیەكان، هەر (250) گرام بڕی (3) ملیگرام ئاسنی تێدایە. 

2. قەیسی: بە وشك كراوی یان تەڕی دەوڵەمەندە بە پڕۆتین و كاربۆهیدرات و ڤیتامین ئەی سەرەڕای مادەی ئاسن و كانزاكانی تر. 

3. هەنجیر : دەتوانرێت بە تەڕی یان وشكراوی بخورێت زۆر بەسوودە بۆ كەمی ئاسن. 

4. مێوژ : دەوڵەمەندە بە گلوكۆزو ئاسن، هەر كوپێك مێوژ بڕی (1.6) ملیگرام ئاسنی تێدایە. 

5. لەتكە تەماتە: لە ئێستادا باوی نەماوە هەرچەند كارێكی ئاسانە دەكرێت لە ماڵاندا بكرێت، هەر كوپێك بڕی (1.9) ملیگرام ئاسنی تێدایە. 

6. قۆخ : بە وشكراوی بەسوود ترە، خواردنی (100) گرام لە قۆخی وشكراو یان هەڵوژە لە (9%) پێویستی لەش بۆ ئاسن دابین دەكات. 

7. دەنكە هەنار : بەسوودە بۆ زۆربەی نەخۆشییەكانی خوێن و كەمی ئاسن، دەكرێت لەگەڵ زەڵاتە یان بە شەربەتی فرێش بخورێت.

(د. هەرێم كەریم ئەحمەد – پسپۆری نەخۆشیەكانی هەناوو دڵ و شەكرە)