خانمانی شیردەر ئاگاداری خواردنەوەی چا بن، بەم شێوەیە بیخۆنەوە

12/07/2019 - 06:53 بڵاوکراوەتەوە لە هەواڵ/تەندروستی

 

 

چا یەكێكە لە خواردنەوە باوەكانی كۆمەڵگەی كوردی كە دەگمەنە ڕۆژانە نەخورێنەوە، بەڵام زۆر خواردنەوەی چا لە خانمانی شیردەر كۆمەڵێك زیانی هەیە بۆ منداڵەكەیی و دەبێتە هۆی دەركەوتنی كۆمەڵێك نیشانە كە گرنگترینیان ئەمانەن :

1. گرژبوونی گەددەو پێچی ناو سك و كۆلیك و غازات.

2. زیاد بوونی لێدانی دڵی منداڵەكە.

3. تێكچوونی خەوو كەم خەوی و شەونخوونی. 

4. بڕی ڕێگە پێدراو بۆ خانمانی شیردەر بریتییە لە یەك كووپ بۆ دوو كووپ ڕۆژانەو نابێت زیاتری لێ بخورێتەوە.

تێبینی : زیانەكانی چا دەگەڕێتەوە بۆ بوونی ماددەی كاڤایین كە لە قاوەو نەستەلەو خواردنەوە گازییەكاندا هەیەو هەمان زیانیان هەیە. 

كۆمەڵێك ڕێنمایی گرنگ : 

1. باشترە تەنها بەیانیان بخورێتەوە. 

2. پێویستە دوای پێدانی شیر بە منداڵ بخورێتەوە.

3. خواردنەوەی بڕێكی زۆر ئاوو شلەمەنی بە بەردەوامی.

4. دووركەوتنەوە لە خواردنی نەستەلەو خواردنەوەی قاوەو خواردنەوە گازی و وزە بەخشەكان.

5. وازهێنان لە خواردنەوەی چا كاتێك ئەو نیشانانە لە منداڵەكەدا دەركەوتن. 

6. پێویستە چای خەست نەخورێتەوەو بە ڕوونی بخورێتەوە.

(د. كامەران رەسوڵ ژاژڵەیی – پسپۆڕی زانستی خۆراك و نەشتەرگەری گشتی)