هەرمێ‌ بخۆن، ئەم 7 سوودەی بۆ جەستە هەیە

02/08/2019 - 08:08 بڵاوکراوەتەوە لە هەواڵ/تەندروستی

 

 

هەرمێ میوەیەكی بەتامەو ڕێژەیەكی زۆر لە ئاوی تێدایە، لەگەڵ بوونی كۆمەڵێك لە ڤیتامین‌ و كانزا لەم میوەیەدا، لەبەر ئەوە ئامۆژگاری دەكرێیت بە خواردنی ئەم میوەیە لە بەربوونی كۆمەڵێك سودی:

1. هەرمێ ترشی فۆلیك و ڤیتامینی جۆراو جۆری تێدایە بە ڕێژەیەكی زۆر وەك ڤیتامین (A،C،K،B٢،B٦) لەگەڵ بوونی ڕیشاڵ هەربۆیە خواردنی هەرمێ بۆ خانمان لە قۆناغی دووگیانی و لە پاش دووگیانی زۆر بەسودە، لەگەڵ بوونی ڕێژەیەكی زۆر كانزا لەم میوەیەدا كە زۆر گرنگە بۆ مێشك، كۆئەندامی بەرگری. 

2. هەرمێ مادەی «Boron ی تێدایە، هەڵدەستێت بە كۆكردنەوەی كالیسیۆم لە لەشداو سنورێكیش بۆ لاوازبوونی ئێسك دادەنێت. 

3. خواردنی هەرمێ بۆ گەدە زۆر بەسوودە، سنورێك بۆ شێرپەنجەی گەدەو سییەكان دادەنێت، ئەمەش دەگەڕێتەوە بۆ گرنگی ترشی Hydroxy cinnamic لە هەرمێدا. 

4. ماددەی كیرسیتینی تێدایە، ئەم دژە ئۆكسانە پارێزگاری لە تەندروستی دەمارەكان دەكات، مەترسی توشبوون بە نەخۆشیەكانی دڵ و جەڵدەی دڵ كەمدەكاتەوە. 

5. هەندێك لەتوێژینەوەكان سەلـماندویانە میوەی هەرمێ دژە حەساسیەتە، بەتایبەتیش بۆ منداڵان. 

6. توانایەكی زۆری هەیە لە كۆنتڕۆڵكردنی نەخۆشی شەكرە ئەمەش دەگەڕێتەوە بۆ گرنگی ڕیشاڵ كە لەم میوەیەدا هەیە. 

7. ئەو بەكتینەی كە لە هەرمێدایە زۆر زیاترە لەوەی كە لە سێودایە هەر بۆیە هەرمێ لە توانایدایە كۆلیستڕۆڵی خوێن دابەزێنێت و ڕیخۆڵەش پاكبكاتەوە، ڕێگرییش دەكات لە توشبوونی مرۆڤ بە شێرپەنجەی سنگ.