ئەوانەی درەنگ دەخەون، بزانن مێشكیان چی بەسەر دێت !!

26/02/2019 - 09:17 بڵاوکراوەتەوە لە هەواڵ/تەندروستی

 

 

بەگوێرەی توێژینەوەیەكی نوێ، سروشتی كاركردنی مێشكی ئەو كەسانەی شەوان درەنگ دەخەون جیاوازە لەوانەی كە شەوان پێش سەعات (11) دەخەون.

توێژەرەوەكان توێژینەوەی تەواویان ئەنجامداوە لەسەر چۆنیەتی كاركردنی پەیوەندی نیشانە جیاوازەكانی مێشك لەگەڵ جەستە لە نێوان دوو كۆمەڵە.

یەكەم ئەو كەسانەی كە نیوەشەو بە دواوە پاش سەعات (2:30) دەخەون و دوای سەعات (10) ی بەیانی هەڵدەستن، كۆمەڵەی دووەم ئەوانەی كە پێش سەعات (11) ی شەو دەخەون و پێش سەعات (7) هەڵدەستن.

بەپێی توێژینەوەكان ئەوانەی درەنگ خەبەریان دەبێتەوە لاوازن لە تەركیزكردن و هێواشن لە وەڵامدانەوەی كردارو زۆربەی كات خەویان دێت.

توێژینەوەی زیاتركرا لەسەر ئەوانەی شەوانە تا درەنگان دادەنیشن بۆ دیاریكردنی كاریگەرییەكەی لەسەر چاڵاكی رۆژانەیان لە كاركردن و خوێندنیان.

(38) كەسیان بە نموونە وەرگرت نیوەیان زوو دەخەوتن و نیوەكەی تریان راهاتوون تا بەرەبەیان بەخەبەربن دواتر بردران بۆ پشكنینی تیشكی لەرینەوەی موگناتیسی MRI بۆ دۆزینەوەی نیشانەكانی مێشك. 

دواتر داوایان لێ كرا چەند تاقیكردنەوەیەكی هزری و كاری مێشكی بكەن رۆژانە بۆ ماوەی (12) سەعات لە (8) ی بەیانیەوە بۆ (8) ی ئێوارە ئینجا پرسیاریان لێ كرا كەوا چەندە حەزیان بۆ خەو ئەچێ لە ماوەی ئەو چاڵاكیانەی رۆژانەدا.

روون بوویەوە كەوا ئەوانەی بەیانیان زوو هەڵدەستن لە خەو كاردانەوەیان خێراترەو بە گشتی لە تاقیكردنەوەكان چاڵاكترن، توێژینەوەكە ئاشكرای كرد ئەوانەی درەنگ خەبەریان دەبێتەوە سەعات (8) ی ئێوارە لەكارو چاڵاكییەكەن خێراترن ئەگەرنا كاتەكانی ئەوانەی كە درەنگ دەخەون تەواوی رۆژەكە ناچاڵاكترن لەوانەی زوو خەبەریان دەبێتەوە لە رووی هزری و جەستەیی.

(ئیلیس شیلدز) سەرۆكی تیمی كاركردن لە مەركەزی تەندروستی مێشك لە زانكۆی بێرمینگهام ووتی: كاتی تەندروست بۆ كاركردن لە نێوان (9) ی بەیانی بۆ (5) ی ئێوارەیە كاركردنی زیاتر كار دەكاتە سەر هزرو نیشانەكانی مێشك.

 

 

 

ئـ . كـ