ئەم خواردنانە مەخۆن، مەترسی لەسەر تەندروستی دروست دەكەن

01/03/2019 - 10:35 بڵاوکراوەتەوە لە هەواڵ/تەندروستی

 

 

كۆمەڵێك خواردن هەیە رۆژانە دەخورێت و مەترسیەكی گەورەی هەیە بۆ تەندروستیمان، پێویستە هەوڵبدەین لێیدووركەوینەوە یاخود كەمیبكەینەوە، ڕەنگە كەسانێك بڵێن ئەم زانیاریانە راست نین و من لە مێژە دەیخۆم و هیچم لێنەهاتووە، ئەم بیركردنەوەیە هەڵەیە، چونكە مەرج نیە لە ئێستادا هەستی پێبكەین رەنگە كاریگەریەكەی دوای چەندین ساڵ دەربكەوێت باشترە ئێستا كەمتر بیخۆیت وەك لەوەی بەتەواوی قەدەغەی خواردنیت لێ بكرێت.

1. نانی سپی و ئیشی هەویر، واتە هەموو ئەو شیرینیانە یاخود ئەو ئیشە هەویریانەی لە ئارد دروست دەكرێت، ئەگەر بەشێوەیەكی زیاد لە پێویست بخورێت دەبێتە هۆی زیادبوونی شەكرە لە جۆری دووەم و نەخۆشیەكانی دڵ و خوێنبەرەكان و زیادبوونی كێش.

2. پەتاتەی سورەوەكراو : چپسی پەتاتە، خواردنی ئەم جۆرە پەتاتەیە، سەرچاوەی نەخۆشی شێرپەنجەی مەمك و قۆڵۆن و پرۆستاتە، لەگەڵ خواردنیدا بەرگری دژی شێرپەنجە نامێنێت، بەڵام رەنگە لە دوای چەند ساڵێك نیشانەكانی دیاری بدات. 

3. شیری پڕ چەوری : مەترسیەكی گەورەی هەیەو رەنگە ببێتە هۆی قەڵەوبوونی منداڵان، یان ئازاری مێشك و سەرو دەروونی لای گەورەكان و هەوكردنی جومگەكان و نەخۆشی رۆماتیزمە.

4. سركەی سێوی دروستكراو : واتە ئەو سركەیەی بۆ بازرگانی دروست دەكرێت، واتا سركەی خۆماڵی نا كە بڕێكی زۆر شەكرو چەوری تێدایە، بۆ رەنگەكەشی شەرابی گەنمەشامی دروستكراو بەكاردەهێنن و زیانی هەیە.

5. كەرە : هەموو دەزانین كەرە بەشێكی زۆر چەوری تێدایە، كە هۆكارێكە بۆ نەخۆشیەكانی دڵ و خاوكردنەوەی لێدانی دڵ و بەرزكردنەوەی رێژەی كالۆری.

6. شەكرو خوێ دروستكراوەكان : دەزانین ئەم پێكهاتەیە زیانی هەیە، بەڵام جۆرێك هەیە لە زەرفی داخراودا پێشەكەش دەكرێت بەتایبەتی لە رێستۆرانتەكان، بەهۆی بەكارهێنانی ماددەی پارێزەر تێیدا زیانەكانی دەبێت بە دوو هێندەو تووشی نەخۆشی شەكرەو بەرزكردنەوەی پەستانی خوێن و نەخۆشیەكانی دڵ دەكات.

7. گۆشتی ئامادەكراو : سەرجەم ئەو گۆشتانەی دەخرێنە قوتوو یان ئامادەكراون، وەك باسترمەو كاڵباس زیانی هەیە، چونكە دەبێتە هۆی نەخۆشی شێرپەنجەو نەخۆشیەكانی دڵ، بەهۆی برێكی زۆر پێكهاتەی كیمیایی تێدایە بەتایبەتی رێژەی خوێی بەجۆرێكە، كە زاناكان هۆشداری دەدەن لە خواردنی.

8. ساسی تەماتە : ساسی تەماتە برێكی زۆر شەكری تێدایە، ئەگەر زۆر بخورێت دەبێتە هۆی نەخۆشی شەكرەو دڵ و خوێنبەرەكان، لەهەمانكاتدا هۆكارێكە بۆ كلۆربوونی ددان.

9. خواردنەوە گازییەكان : كە رێژەیەكی زۆر شەكری تێدایەو كێش زیاد دەكات، لەهەمان كاتدا سەرچاوەی نەخۆشیەكانی شەكرەو دڵەو زیان بە ددان دەگەیەنێت.

 

 

ئـ . كـ