بۆ ڕێگری كردن لەتووش بوون بەم نەخۆشیانە كەلەرم بخۆن

14/03/2019 - 09:27 بڵاوکراوەتەوە لە هەواڵ/تەندروستی

 

 

كەلەرم رێژەیەكی زۆر بەها خۆراكییەكانی وەك ڤیتامین و پڕۆتین و ترشی و ماددەی دژە ئۆكسانی لەخۆدەگرێت، كە پێویستیە بنچنەییەكانی لەشی مرۆڤەو بەرگری دژی نەخۆشییەكان بەهێز دەكات.

بەپێی لێكۆڵینەوەی شارەزایان سوودەكانی كەلەرم لەرووی تەندروستییەوە بریتین لەمانەی خوارەوە:

1. كەلەرم پارێزەرێكی باشە دژی نەخۆشی شێرپەنجە، بەهۆی بوونی ماددەی (سلفورافان) كە ڕۆڵێكی كاریگەر دەبینێت لە رێگریكردن لە گەشەكردنی خانە شێرپەنجەییەكان. 

2. رێگری دەكات لەبەرزبوونەوەی فشاری خوێن بە هۆكاری هەبوونی پۆتاسیۆم. 

3. كەلەرم بەرگرییەكی باشە دژی هەوكردنی لەش، هاوكات لە ئەگەری تووشبوون بە نەخۆشییەكانی دڵ و خوێنبەرەكان دەتپارێزێت. 

4. چارەسەرێكی باشە بۆ نەخۆشی ڕەبۆو هێڵنجدان و پوكانەوەی ئێسك. 

5. كەلەرم بۆ كەمكردنەوەی ئازاری گەدەو سووتاندنەوەی سوودی هەیە. 

6. یارمەتیدەرێكی باشە بۆ كەمكردنەوەی كێش، هاوكات زیادكردنی توانای مێشك و پاراستنی لەنەخۆشی زەهایمەر.