زیانی گەورەی ووزە بەخشەكان بزانن

14/03/2019 - 09:36 بڵاوکراوەتەوە لە هەواڵ/تەندروستی

 

 

خواردنەوەی وزە بەخشەكان مەترسی تووشبوون بە جەڵتە زیاد دەكات بە رێژەی (500%) بەهۆی ناڕێكی دڵ لێدان.

پێكهاتەی یەكەمی خواردنەوەكانی وزە بەخش كافایین و شەكرن، زۆربەی خواردنەوە وزە بەخشەكان (ئاسپەرتێیم) ی تێدایە كە شیرینكەری دەستكردەو ئەوەش زیان بەخشە بۆ زۆر نەخۆشی لەوانەشدا كاریگەری تووشبوون بە شێرپەنجە.

لە توێژینەوەیەكدا لە گۆڤاری جەڵتە بڵاوكراوەتەوە كە سەر بە كۆمەڵگەی دڵی ئەمریكییە، تێیدا هاتووە بەكارهێنانی خواردنەوەی سۆدەی ڕجیم پەیوەندی هەیە بە مەترسی تووشبوون بە جەڵتەو خەڵەفان.

بۆچی خواردنەوەی وزە بەخشەكان وەك (RED BULL) رید بوول یەكجار مەترسیدارە ؟؟

كاتێك هەست بە ماندووبوون و كەمی وزە دەكەین لە لەشمان لای زۆر خەڵكی وا باوە كە دەست بە خواردنەوەی كوپێكی قاوە بكەیت و خواردنەوە وزە بەخشەكان چارەسەرێكی تر دەبێت بۆ بەدەستهێنانی وزە، یەكێك لە ناودارترین خواردنەوەكانی وزە بەخش (رید بوول) كە ناوێكی بۆ خۆی دروست كردووە لە رێكلامەكانیدا هاتووە كە بە خواردنەوەی باڵێكت پێ دەبەخشێت و لە بازاڕەكاندا پشتگیری دەكەن دروشمی ئەوەیان خستۆتە نێو بازارەوە كە ئەوان پشتگیری خەڵك لە بوێری داهێنان و بیرۆكەی نوێ دەكەن، بەڵام باسی مەترسی شاراوەی خواردنەوەكەیان ناكەن لەسەر تەندروستی.

بەكارهێنانی خواردنەوەی وزە بەخشەكان دەتوانێت هۆكاری تووشبوون بە جەڵتەی مێشك و جەڵتەی دڵ بكات، خواردنەوەی بەناوبانگی (RED BULL) رید بوول، پەیوەندی بە گرفتەكانی دڵ و بۆڕییەكانی خوێنەوە هەیە، هەروەك جەڵتەی دڵ و جەڵتەی مێشك، فروشتنی خواردنەوەی (RED BULL) لە وڵاتانی نەرویج و دانیمارك و ئۆرگوای قەدەغە كرابوو، هەروەها وڵاتی فەرەنسا لە ساڵانی (1996 – 2008) فرۆشتنی ئەو جۆرە خواردنەوەیەی راگرت. 

خواردنەوەی رید بوول خەستبوونەوەی خوێن دەكات و هاندانی ئاستێكی ناسروشتی بەلەش دەدات.

(سكۆت ویلەبی) توێژەری سەرەكی لە بنكەی توێژینەوەی دڵ و بۆڕییەكانی خوێن لە نەخۆشخانەی (Royal Adelaide) لە وڵاتی ئوسترالیا، لە توێژینەوەیەكدا بە سەر كەسانێك كرابوو خواردنەوەی وزە بەخشەكانیان پێ دران، دەڵێت: لە دوای یەك كاتژمێر لە خواردنەوەی تەنها یەك قوتووی رید بوول بۆمان دەركەوت بەشداربووانی توێژینەوەكە گونجانی خوێنیان نائاسایی بوو لە نەخۆشانی دڵ دەچوون.

سكۆت ویلەبی هۆشداری دەدات كە كاتێك دڵەڕاوكێ و فشاری خوێن بەرز دەبێتەوە، خواردنەوەی رید بوول زیان بەخش دەبێت بۆ بۆڕییەكانی خوێن و دەبێتە هۆی مەترسی دروستبوونی خوێن مەیین، ئەمەش بەتایبەتی مەترسیدارە بۆ ئەو كەسانەی ئامادەباشیان هەیە بۆ نەخۆشی دڵ و بۆڕییەكانی خوێن.

رید بوول (RED BULL)، پێكهاتە سەرەتاییەكەی كافایین و شەكرن، ئاسپەرتێیم كە شیرینكەری دەستكردە ئەوەش پەیوەندی هەیە بە هەریەك لە: نەورۆتۆكسینس Neurotoxic، مێتەبۆلیك Metabolic، ئەلیرجێنێك Allergenic، فییتەل Fetal و كاسەنەوجێنیك Carcinogenic زیان بەخشن بۆ ژەهراوی بوونی دەمار و دەتوانن كار بكەن لە هەردوو كاركردنی ئاسایی و شانەی پێگەییوی دەمارەكان، لە ئەنجامدا كاری سیستەمی شانە دەمارییەكانی لەشی مرۆڤ تێك دەچێت و بە شێوەیەكی ئاسایی كار ناكات لە مێشك و بەشەكانی تری لەش ئەمەش دەكرێت كۆمەڵێك گرفت لەخۆ بگرێت هەروەك تووش بوون بە بیرچوونەوەو بێهەست (سڕبوون) و لەدەستدانی ڕوانیین هەروەها گرفتی تێگەیشتن رەفتاری رارایی و بڕیاری هەڵەو سەرئێشەو گرفتی سێكسی و تووشبوون بە هەستەوەری و زیانی بۆ كەسانی دووگیان بە تایبەت بە كۆرپەكە دەگەیەنێت و كاریگەری بە تووشبوونی نەخۆشی شێرپەنجەوە هەیە.

رید بوول خواردنەوەیەكی وزە بەخشەو كۆمپانیاییەكی نەمساوی دروستی دەكات و كۆمپانیاكە هۆشداری داوە بە كڕیارانی لە ڕۆژێكدا دوو قوتوو زیاتر نەخۆنەوە، هاوكات ئەو خواردنانەش دەگرێتەوە كە كافایینی تێدایە، خواردنەوەی رید بوول وزەیەكی بەرزی خێرات پێ دەبەخشێت ئەمە لە سەرەتاییەكانی بەكارهێنانت، بەڵام دواتر ئەم رێژەیە كەم دەبێتەوەو پێویستت بە بەهێزكردنێكی تر دەبێت و دەرئەنجام بە ئاڵوودەبوونی بەكارهێنانی رید بوول هانا بۆ خواردنەوەی تر دەبەیت كە وزە بەخشن.

(تروودی لۆبەن) بەڕێوەبەری هاوپەیمانی ناڕێكوپێكی (لێدانی دڵ) دەڵێت: ناكرێت تۆ دڵێكی لاوازت هەبێت یاخود نەخۆشی دڵت هەبێت تا دڵت بە نارێكوپێكی لێبدات، خۆراكە وزە بەخشەكان هاندەرن بۆ ئەوەی دووچاری گرفتی نارێكی لێدانی دڵ بیت و تەنها (6 – 7) خواردنەوەی قاوە لە ڕۆژێكدا دەتوانێت دڵ تووشی ئەو گرفتە بكات، بەڵام بەكارهێنانی خواردنەوە وزە بەخشەكان مەترسییەكانی بەرز ترە.

چی ڕوودەدات بە بەكارهێنانی خواردنەوە وزە بەخشەكان ؟؟

لە دوای (20) خولەك لە خواردنەوەی خواردنەوە وزە بەخشەكان بەشێكی زۆر لە شەكر دەچێتە نێو لەشت و بەرزبوونەوەی شەكر لە خوێندا روودەدات و دەبێتە هۆی فڕێدانی مادەی ئەنسۆلین، دوای (40) خولەك لە خواردنەوەی وزە بەخشەكان هەموو كافایینەكان لەلایەن لەشتەوە دەمژرێن و لەشت كاردانەوەی دەبێت و بەرگری لەشت بەسەر ئەو مادانە دەكشێنەوەو دەبێتە هۆی بەرزبوونی فشاری خوێن تەنانەت جەرگیش شەكری زیاتر فڕێ دەداتە نێو بۆڕییەكانی خوێن، دەوروبەری (45) خولەك لە خواردنەوەی وزە بەخشەكان لەشت بەرهەمهێنانی دۆپەماین Dopamine زیاد دەكات و كە هەستێكی خۆشت پێ دەدات ئەمەش وەك ڕێگەیەكە كە چۆن لەش وەڵام دەداتەوە بۆ هیرۆین و دەرئەنجام ئاڵوودەی بەكارهێنانی خواردنەوە وزە بەخشەكان دەبێت، دوای (60) خولەك لە خواردنەوەی ئەو جۆرە خواردنەوانە لەشت دروستكەری شەكر دەكات و كافایینەكە لەسەر خۆ دەست بە تەواوبوون دەكات و دەكرێـت هەست بە هیلاك بوون بكەیت و گۆڕانكاری لەسەر باری دەروونیت دروست دەبێت و بێتاقەت و ئاڵۆزی لە مێشكت دروست دەبێت.

لە راپۆرتەكەدا هاتووە و دەڵێت : تۆ سۆدەی رێجیم دەخۆیتەوە ؟

ئایا تۆ دەزانیت كە خواردنەوەی یەك بەشە ڕێجیم خواردنەوە ڕۆژانە بخۆیتەوە دەتوانیت مەترسی تووشبوون بە خەڵەفان و جەڵتەو هۆی تووشبوون بە شێرپەنجە، سەرەڕای ئەوەش توێژینەوە مەزنەكان ئاماژەیان بەوەداوە خواردنەوەی سۆدا پەیوەندی بە تووشبوون بە جەڵتەی دڵەوە هەیەو زیان بە مێشك و خەمۆكی و گورچیلە دەگەیەنێت.