پیس بوونی ژینگە ئەم نەخۆشیانەی لێدەكەوێتەوە

14/03/2019 - 10:32 بڵاوکراوەتەوە لە هەواڵ/تەندروستی

 

 

هەموو ئامارەكان هێما بۆ ئەوە دەكەن كە بەهۆی پیسبوونی ژینگەوە رێژەی نەخۆشییەكان لە بەرزیدایە، بە تایبەتیش ڕێژەی تووشبوان بە نەخۆشی شێرپەنجەو نەخۆشییەكانی دیكە، چونكە لە شارەكان فاكتەرەكانی پیسبوونی ژینگە گەلێك زۆرن لەوانە دووكەڵی بیرە نەوتەكان و زبڵ و خاشاك و جگەرە كێشان و نێرگلە كێشان و خۆراكی خراپ و گەلێك هۆكاری دیكە، بۆیە لە زۆربەی شارەكانی دیكەش بە هەمان شێوە دەبێ ڕێگری لەو فاكتەرانە بكرێ تا ڕێژەی نەخۆشییەكان كەم ببنەوە، هەر لەوبارەیەوە ڕێكخراوی تەندروستی جیهانی جەخت لەوە دەكاتەوە كە بە زۆری وڵاتانی كیشوەری ئاسیاو ئەفریقیا بە هۆی ژمارەیەكی زۆری كارگە تووشی پیسبوونی ژینگە بوونەو زۆر بە زەحمەتیش پێیان كۆنتڕۆڵ دەكرێت، خۆ ئەگەر كارەكان بەو شێوەیە بڕۆن ئەوا كارەساتی خراپتر بەڕێوەیە.