بۆ ئەوەی گورچیلەكان باش كاربكەن، ئەمانە بخۆن

12/04/2019 - 09:59 بڵاوکراوەتەوە لە هەواڵ/تەندروستی

 

 

گورچیلەكان یەكێكن لەگرنگترین ئەندامەكانی لەش كە رزگاری دەكەن لەژەهر، لەرێی پاككردنەوەی خوێن و دەركردنە دەرەوەی پاشماوە شلەكانەوە.

ئەو خۆراكانەی رۆژانە دەیخۆین كاریگەری هەیە لەسەر تەندروستی گورچیلەكان، بۆیە لێرەدا چەند جۆرێكی خۆراك دەخرێتەڕوو كەدەبێ لەنێو سیستەمی خۆراكیماندا هەبێ تا زامنی كاركردنی باشی گورچیلەكانمان بكات:

1. بیبەری سور: ئەمەش پۆتاسیۆمی كەمەو سەرچاوەیەكی باشی ڤیتامین سی و ئی و بی شەش و فۆلیك ئەسیدو ریشاڵەو لایكۆبینی تێدایە كەدەتپارێزێت لەشێرپەنجە. 

2. قەرنابیت : ئەمیش دەوڵەمەندە بەڤیتامین سی و سەرچاوەیەكی باشی فۆلات و ریشاڵەو دەوڵەمەندە بەئەندۆل و گلۆكۆزین و سیۆسیان و ئەمەش هاوكاری جگەر دەكات لەسنورداركردنی مادە ژەهراوییەكان لەزیانگەیاندن بەڕوپۆشی خانەكان و ترشی ناوەكی. 

3. پیاز: دەوڵەمەندە بەفلافۆنۆید بەتایبەت كیرسیتین كەدژە ئۆكسانێكی بەهێزەو دەتپارێزێ لەنەخۆشیەكانی دڵ و چەندین جۆری شێرپەنجە. 

4. سێو: سەرچاوەیەكی باشی پەكتینەو لەو جۆرە ریشاڵانەیە كەتوانای توانەوەی هەیەو هاوكارە لەدابەزاندنی ئاستی كۆلیسترۆڵ لەخوێن و گلوكۆزدا، سەرچاوەیەكی گرنگی دژە ئۆكسانە كەخانەكانی مێشك دەپارێزێت، سێوی فرێش سەرچاوەیەكی باشی ڤیتامین سی و ریشاڵە بۆ پێدانی هەستی تێربوون.

5. سپێناخ: دەوڵەمەند بەڤیتامین و ئاسن و مەگنیسیۆم و فولات، بیتاكارۆتینی تێدایە كەگرنگە بۆ بەهێزكردنی تەندروستی سیستەمی بەرگری و پاراستنی بینایی.

6. پەتاتەی شیرین: دەوڵەمەندە بەبیتاكارۆتین و سەرچاوەیەكی باشی ڤیتامینە ئەگەر بخرێتە پێكهاتەی سیستەمی خۆراكییەوەو سەرچاوەیەكی باشی ڤیتامین و ریشاڵ و پۆتاسیۆمە.