ئەم 5 كارە نەكەن كێشتان دادەبەزێت

26/04/2019 - 08:40 بڵاوکراوەتەوە لە هەواڵ/تەندروستی

 

 

دەمێكە وازت لەخواردنە خێراكان هێناوەو بەردەوام وەرزش دەكەیت لەگەڵ ئەوەشدا كێشی زیادەت هەیە، كەم كەس هەیە ئەوە بزانێت هەندێ خووی بەیانی رێگرە لە كێش دابەزاندن، لە لێكۆڵینەوەكاندا دەركەوتووە (5) خو رێگرە لە دابەزاندنی كێش:

1. زۆر خەوتن : كەم خەوی دەبێتە هۆی دەردانی هۆرمۆنی كۆرتیزۆل كە ئەمەش وادەكات زیاتر بخۆیت، بەڵام خەوی زۆریش چارەسەر نیە، بەپێی لێكۆڵینەوەیەك كە گۆڤاری (plos one) كردوێتی خەوی بەردەوام بۆ ماوەی (10) سەعات دەبێتە هۆی زیاد بوونی كێش، هەربۆیە دكتۆرەكان ئامۆژگاریمان دەكەن بە خەو بۆ ماوەی (7 – 9) سەعات نە زیاترو نە كەمتر.

2. خۆ ئامادەكردن بۆ سەرئیش لە تاریكیدا : كاتێك بەخەبەردێیت پەردەكان لاببەو پەنجەرەی ژوورەكەت بكەرەوە، چونكە بەپێی لێكۆڵینەوەكان ئەو شەپۆڵە رووناكە شینەی خۆری بەیانیان یارمەتی چاڵاكردنەوەی خانەكانی لەش و كرداری مۆتابۆلیزم دەدات، (20 – 30) خولەكی رووناكی بەیانیان كاریگەری لەسەر دابەزاندنی پلەكانی قەڵەوی (obesity) هەیە. 

3. رێكنەخستنی جێگەی خەو : لێكۆڵینەوەیەكی زانكۆیەكی ئەمریكی بۆ زانستی خەو ئاشكرایكردووە، باشتر دەخەون ئەگەر جێگەی خەوەكەتان بەرێكوپێكی ئامادەبكەن، خەوی باشیش كلیلی كێش دابەزاندنە.

4. بەكارنەهێنانی ئامێری پێوانەكردنی كێش : هەموو رۆژێك خۆكێشان یارمەتیدەرە بۆ كێش دابەزاندن، باشترین كاتیش بۆ خۆكێشان بەیانیانە، چونكە كێشی راستەقینەی خۆتەو رێژەی ئاو لە جسمدا كەمە.

5. گرنگینەدان بە نانی بەیانی : لێكۆڵەرەكانەوەكان تەئكید دەكەنەوە كە دەبێت ژەمێكی باشی بەیانیان بخۆین، وزە تێیدا (600) كالۆری بێت و كاربۆهێدرایت و پرۆتینی تیابێت و ئەمەش یارمەتیدەر دەبێت بۆ ئەوەی رێجیمەكەت بەدێژایی رۆژەكە باشتر ئەنجام بدەیت.