بۆ ئەوەی لە رەمەزان لەسەرئێشە دووربین، ئەمانە بكەن

12/05/2019 - 10:01 بڵاوکراوەتەوە لە هەواڵ/تەندروستی

 

 

سەرئێشەی دوای بەربانگ كردنەوە مرۆڤ خۆی دەستی تێدا هەیەو زۆربەی ئەو خۆراكانەی لەدوای بەربانگ دەخورێت دەبنە هۆی ناردنی برێكی زۆر خوێن بۆ كۆئەندامی هەرس و بەهۆیەوە رۆیشتنی خوێن بۆ خانەكانی مێشك كەم دەكات و دەبێتە هۆی هەستكردن بەسەر ئێشە.

هۆكارەكانی سەرئێشە لەمانگی رەمەزان:

- رێكنەخستنی كاتەكانی خەوتن.

- گۆڕانكاری لەكاتەكانی نانخواردن.

- كەمبوونەوەی ماددەی كافین لەچاو قاوە كە رۆژانی دیكە دەخورێنەوە.

ئامۆژگاری بۆ خۆپاراستن لەسەرئێشە لەمانگی رەمەزان:

1. خواردنی ژەمی پارشێو، چونكە ئەو ژەمە زۆر گرنگە. 

2. زیاتر خواردنی خۆراكی تەندروست و میوەو سەوزە. 

3. خەوتن بۆ ماوەی چەند سەعاتێكی پێویست و رێكخستنی كاتی خەوتن. 

4. خواردنەوەی بڕی پێویستی ئاوو شلەمەنی لەنێوان بەربانگ كردنەوەو پارشێو. 

5. كەمكردنەوە یاخود وازهێنان لەخواردنەوەی ماددە ووریاكەرەوەكانی وەك چاو و قاوەو نیسكافی و خواردنەوە گازییەكان. 

6. هەوڵ بدەن ماوەی بەرۆژوبوون بەبڕی پێویست و هەمەچەشنی خۆراك قەرەبوو بكرێتەوە لەگەڵ گرنگیدان بەژەمە خۆراكی پارشێو. 

7. ئەو خۆراكانە بخورێت كەرێژەیەكی بەرزی شەكریان تێدانیە پێش چەند رۆژێك لەرەمەزان بۆ ئەوەی لەكاتی بەرۆژووبوون كەمبوونەوەی لەناكاوی رێژەی شەكر روونەدات. 

8. كەمكردنەوەی خواردنەوەی قاوە لەرۆژانی پێش رەمەزان بۆ دووركەوتنەوە لەكەمبوونەوەی لەناكاوی مادەی كافین لەكاتی بەرۆژووبوون كەدەبێتە هۆی سەرئێشە. 

9. بەكارهێنانی چاوێلكەو كڵاو بۆ خۆپاراستن لەبەركەوتنی خۆر لەرۆژدا. 

10. دووركەوتنەوە لەو كارانەی دەبنە هۆی فشاری دەروونی و توڕەبوون بۆ دووركەوتنە لەتووشبوون بەسەرئێشە.