هەرچەندە بەڕۆژووم، بەڵام كێشم زیاد دەكات، وەڵامی پرسیارەكە وەربگرە

15/05/2019 - 11:17 بڵاوکراوەتەوە لە هەواڵ/تەندروستی

 

 

هەرچەندە لە مانگی ڕەمەزانی پیرۆز هەلێكی باشە بۆ دابەزینی كێش، بەڵام بە پێچەوانەوە قەڵەوی و زۆری كێش و قەڵەوی ورگ لە چەند ساڵی ڕابردوودا بۆتە دیاردەیەكی بەربڵاو.

گرنگترین هۆكارەكانی زیاد بوونی كێش لەم مانگەدا ئەمانەی خوارەوەن : 

1. كەمی جوڵەو سستی و وەرزش نەكردن لە نێوان بەربانگ و پارشێوو دانیشتن بۆ ماوەیەكی زۆر لەكاتی بەدیار تەلەفزیۆن مۆبایل و كۆمپیوتەرەوە شەوانە بە بەردەوامی. 

2. خواردنی بڕێكی زۆر خۆراك دەوڵەمەند بە وزە وێنەی برنج و شلەو گۆشت و ناوساجی و خواردنی سووركراوەو شیرینی. 

3. خواردنەوە باوەكانی مانگی ڕەمەزان : وەك شەربەتی مێوژ هەموو ڕۆژێك.

4. نەخواردنەوەی بڕی پێویست لە ئاوو وشك بوونەوەی لەش. 

5. نەخواردنی سەوزەو میوە یان كەم خواردنی. 

6. زۆر خواردنی خورما. 

7. پارشێو نەكردن یان خواردنی خواردنی چەورو شیرینی و برنج و شلە لە پارشێودا. 

8. نەخواردنی زەڵاتەو سەوزەو شۆربا لە سەرەتای بەربانگكردنەوە. 

9. شەونخوونی و نەخەوتن تا پارشێو. 

(د‌. كامەران رەسوڵ ژاژڵەیی – پسپۆڕی زانستی خۆراك و نەشتەرگەری گشتی)