ئەگەر تەمەنتان گەیشتە سەرووی (50) ساڵ ئەمانە بكەن

24/05/2019 - 13:04 بڵاوکراوەتەوە لە هەواڵ/تەندروستی

 

 

قۆناغەكانی تەمەن جیاوازی هەیە لەرووی تواناو تەندروستییەوە، كاتێكیش دەگەیتە تەمەنی (50) ساڵی بەرەو ژوور، پێویستە هەندێك رێنمایی جێبەجێ بكەیت بۆئەوەی جەستەت بەچاڵاكی بمێنێتەوەو پیریت پێوە دیارنەبێت.

1. یەكێك لەخاڵە سەرەكیەكان رێژەو جۆری خواردنەكانتە، واتە دوركەوتنەوە لەخواردنی چەورو شیرین و ناتەندروست، هاوكات ژەمی بچووك بچووك.

2. تەمبەڵی فەرامۆش بكە، مانای ئەوەنییە بەردەوام وەرزش بكەیت و سەردانی سەنتەرەكان بكەیت، بەڵام تەنها (30) خولەك وەرزش رۆژانە، بەڵام وردەوردە زیادی بكە لە (10 – 15) خولەكەوە دەستپێبكە.

3. خەوتنی باش، لەو تەمەنەدا بەبێ ویستی خۆت خەوت كەمدەبێتەوە، پێویستە رێنماییە تەندروستییەكان بۆ زیادبوونی خەوت پەیڕەوبكەیت، بەنموونە خواردنەوە كافاینەكان كەمبكەرەوە یان لەشوێنی ئارامدا بنوو.