ڕێگەكانی دووربوون لە گەدە ترشان

10/06/2019 - 07:39 بڵاوکراوەتەوە لە هەواڵ/تەندروستی

 

 

ترشانی گەدە، یەكێكە لەنەخۆشیە باوەكانی گەدەو بەهۆی كۆمەڵێك هۆكارەوە ڕوودەدات، بەڵام هۆكاری سەرەكی بەرزبوونەوەی ئاستی ترشی گەدەیە لەنێو ئەنزیمەكاندا.

ئەو ڕێگایانەی‌ هاوكارن لەڕێگریكردنی‌ ترشانی گەدە:

1. وازهێنان لەدڵەڕاوكێ، چونكە دەبێتە هۆی گۆڕین لەئاستی هۆڕمۆنەكان لە لەشداو دواجار سەرچاوەیەكە بۆ ترشانی گەدە. 

2. خواردنەوەی ئاوی زۆر، چونكە ئاو یەكسانی ڕێژەی ترشی گەدە دەپارێزێت. 

3. واز لەجگەرەكێشان بهێنە، چونكە ئاستی ترشیەكانی گەدە زیاد دەكات. 

4. دابەشكردنی ژەمە خۆراكیەكانت بەشێوەیەكی یەكسان و بڕی پێویست.

5. دوركەوتنەوە لەهەموو ئەو خۆراكانەی دەبێتە هۆكارێك بۆ ترشانی گەدە، وەك كهول و خواردنی سورەوەكراو و هەندێك خۆراكی‌ دیكە، چونكە هۆكارن بۆ ترشانی گەدە بەتایبەت ئەوانەی گەدەیان زۆر هەستیارە. 

6. قەڵەوەكان و ئەو كەسانەی كێشیان زیاتر لەكەسانی سروشتی سێ هێندە زیاتر لەوانی دیكە ئەگەری تووشبونیان بەترشاندنی گەدە هەیە، ئەمەش هۆشداریە بۆئەوەی هەمیشە ئاگاداری كێشی لەشت بیت.

7. توێژینەوەكان جەخت لەوەدەكەنەوە كە خواردنی شەكرو شیرینیەكان دەبێتە هۆی بەرزبوونەوەی ئاستی ترشی گەدە، هەربۆیە باشترە كەمی بكەیتەوە. 

8. جوینی بنێشت هۆكارێكە بۆ كەمكردنەوەی ترشانی گەدە بەتایبەت ئەگەر بەتامی نەعنابێت.