سعودیە كەناڵێك تایبەت بە عێراق دەكاتەوە

12/02/2019 - 09:25 بڵاوکراوەتەوە لە هەواڵ/عێراقی

گرووپێكی وەبەرهێنی سعودی بریاریانداوە كەناڵێكی تایبەت بە عێراق بكەنەوە و لەم هەفتەیە دەست بە پەخش دەكات.

كەناڵی (MBC)ـی سعودی كە پەخشەكەی لە دوبەی ئیماراتییە رایگەیاند : " لە (17)ـی ئەم مانگە بەفەرمی كەناڵی (mbc iraq) دەكرێتەوە و دەست بە پەخشەكەی دەكات".

گرووپە سعودیەكە دەڵێت : " ئەم كەناڵە تایبەتە بە عێراق و تەواوی پەخشەكەی رەنگدانەوەی فەرهەنگ و كەلتور و هونەر و مێژووی عێراقە".

گرووپی كەناڵەكانی (mbc) لەچەندین كەناڵی تایبەت بە فیلم ومیوزیك و هونەر و دراما پێكدێت ، تەنها بۆ دوو وڵاتیش كەناڵی تایبەتی داناوە یەكەمیان بۆ وڵاتی میسربوو بەناوی (mbc egypt) دووەمیش بۆ عێراق كە لە ناوەراستی ئەم مانگە دەكرێتەوە".