ئەو پەرلەمانتارانە ناچنە دانیشتنەكەانی ئەنجومەنی نوێنەران، سزا دەدرێن

12/02/2019 - 11:18 بڵاوکراوەتەوە لە هەواڵ/عێراقی


بڕیاردەرێكی ئەنجومەنی نوێنەرانی عێراق ڕایدەگەیەنێت، سەرۆكایەتی ئەنجومەن ژمارەیەك بڕیار دەردەكات تایبەت بە سزادانی ئەو پەرلەمانتارانەی ڕیژەی یاسایی نەهاتن تۆمار دەكەن لە دانیشتنەكاندا.


پەرلەمانتار خەدیجە عەلی لە بەیاننامەیەكدا ڕایگەیاند هیچ جیاوازیەك ناكرێت لە نێوان پەرلەمانتاران دا لەسەر پرسی نەهاتن بۆ دانیشتنەكانی ئەنجومەن بۆیە دەبێت سەرجەم پەرلەمانتاران وەك نوێنەری گەل پابەند بن بە دەوای ئاسایی و یاسایی پەرلەمانتاری.


وتیشی: لە وەزری دووەمی یاسادانان، پرسی نەهاتنی پەرلەمانتاران بۆ دانیشتنەكان كارا دەكرێتەوە و سەرۆكایەتی پەرلەمان ژمارەیەك ڕێوشوێنی یاسایی دەكرێتە بەر دژی ئەو پەرلەمانتارانەی ڕیژەی یاسایی نەهاتن تێ دەپەڕێنن.


لە خولەكانی پێشووی پەرلەمانی عێراقدا، هەمیشە پرسی نەهاتنی پەرلەمانتاران بۆ دانیشتنەكان یەكێك بووە لە گرفتەكان و زۆرێك لە پرسە چارەنوس سازەكان بەهۆی بوونی زۆری ڕیژەی نەهاتن نەتوانراوە یەكلا بكرێتەوە.