ئەردۆگان: داوا دەكات عێراقیش بەشداری كۆبونەوەكانی ئاستانە بكات

16/02/2019 - 14:52 بڵاوکراوەتەوە لە هەواڵ/عێراقی


ڕەجەب تەیب ئەردۆگان سەرۆك كۆماری توركیا ڕایدەەیەنێت هەریەكە لە عێراق و لوبنبان دەتوانن بێنە نێو كۆبونەوە سێ قۆَلیەكانی نێوان توركیا و ڕوسیا و ئێران لە ئاستانە بۆ تاوتوێكردنی چارەسەری ئاشتانەی كێشەی سوریا.


ڕۆژنامەی سەباح ی توركی بڵاویكردەوە " لە میانەی گەڕانەوەیدا بۆ ئەنكەرە لە شاری سوتچی ڕوسیا، ڕەجەب تەیب ئەردۆگان بە ڕۆژنامەنوسانی ڕاگەیاندووە هەریە كە لە عێراق و لوبنان دەكرێت بێتە كۆبونەوەكانی ئاستانە وەك ڕێگاچارەیەكی زیادەتر بۆ كۆبونەوەكانی جنێف كە لە ژێر چاودێری نەتەوەیەكگرتووەكاندایە".


ئەردوگان وتیشی" هەر یەكە لە عێراق و لوبنان سنورەكانیان بە سوریاوە گرێ دراوە و لەزۆر پرسدا بە سوریاوە گرێدراون.


ماوەی چەند ڕۆژێكە لە شاری سوتچی گەڕێكی تری دانوستانەكانی كۆبونەوەی لوتكە لە نێوان ڕوسیا و توركیا و ئێران بەڕێوە دەچێت و پرسی چارەسەركردنی كێشەی سوریا، تەوەری سەەركی كۆبونەوەكان بووە.