عيراق ماتەمینیا گشتی ژبەر روودانا مووسل رادگەهینیت

21/03/2019 - 21:55 بڵاوکراوەتەوە لە هەواڵ/عێراقی

کوردیو دهوک

ژ ئەگەرێ روودانا وەرگەریانا یەختەکێ د رووبارێ دیجلە دا ل مووسل، سەروک وەزیرێن عیراقێ عادل عەبدولمەهدی ماتەمینیا گشتی بۆ ماوێ سێ رۆژان راگەهاند وفەرمان دا ڤەکولینەکا بلەز د روودانێ دا بهێتە کرن.

وەزارەتا ساخلەمیا عیراقێ راگەهاند: هژمارا قوربانیێن بنئاڤبونا یەختەکێ ل رووبارێ دیجلە ل مووسل بۆ ٧٧ کەسان زێدەبوو و ژ وانا ٣٣ ژن و ١٢ زارۆک و ١٠ زەلام دناڤ دا هەنە.

ژ لایەکێ دیڤە بەرگریا شارستانیا عیراقێ راگەهاند ژمارا قوربانیان گەهشتیە  ٨٢ کەسان و ئەوێ یەختێ زێدەتر ژ ١٠٠ کەسان هەلگرتبۆن، هەتا نوکە ١٧ کەس دبێ سەروشینن و تا نوکە ٥٥ کەس هاتینە رزگارکرن و ژ وانا ١٩ زارۆکن.

ئەنجومەنا بلند  یا دادوەری ل عیراقێ ژی دیارکر ل سەر روودانا مووسل ٩ کەس هاتینە دەستەسەرکرن.

ا.د