عێراق بە توندی وەڵامی ترەمپی دایەوە

24/03/2019 - 10:31 بڵاوکراوەتەوە لە هەواڵ/عێراقی

 

وەزارەتی دەرەوەی عێراق وەڵامی وتەكانی سەرۆكی ئەمریكای لەسەر بەرزایەكانی جۆلان دایەوەو ڕایگەیاند: بەرزاییەكانی جۆلان لەلایەن ئیسرائیلەوە داگیركراوە.


وەزارەتی دەرەوەی عێراق لە بەیاننامەیەكدا ڕایگەیاند: بە پشتبەستن بە یاسا نێودەوڵەتییەكان عێراق دژی ڕەوایەتیدان بە داگیركاری بەرزاییەكانی جۆلان دەوەستێتەوە كە بەشێكە لە خاكی سووریا.


ئەوەشی خستەڕوو: تێپەڕبوونی ماوەیەك بەسەر داگیركردنی بەرزاییەكانی جۆلان، فەڵەستین و بەتایبەت قودس ڕەوایەتی نادرێت بە داگیركارانی ئەوێ.


پێشتر دۆناڵد ترەمپ سەرۆكی ئەمریكا لەلاپەڕەی خۆی لەتۆڕی كۆمەڵایەتی تویتەر، رایگەیاندبوو: لەدوای ٥٢ ساڵ كاتی ئەوە هاتووە كە ئەمریكا دان بە سەروەریی تەواوی ئیسرائیلدا بنێت لە بەرزاییەكانی جۆلان.


جێگەی ئاماژەبۆكردنە بەپێی بڕیارەكانی ئەنجوومەنی ئاسایشی نێودەوڵەتی، ئیسرائیل لە ساڵی ١٩٦٧ەوە تا ئێستا بەرزاییەكانی جۆلانی داگیر كردووە كە بەشێكە لە خاكی سووریا‌.

 

 

 

س ب